Դեպի վերեւ

Պաշտպանյալին տեսակցելը չթույլատրելը «տգիտություն» և «խայտառակություն է»

azatutyun.am02/17/2017, 11:05

Պաշտպանյալին տեսակցելը չթույլատրելը «տգիտություն» և «խայտառակություն է»

«Հիմնադիր խորհրդարան» ընդդիմադիր շարժման առաջնորդ Ժիրայր Սեֆիլյանի և «Սասնա ծռեր» զինված խմբի անդամ Վարուժան Ավետիսյանի պաշտպան Մուշեղ Շուշանյանին «Արմավիր» քրեակատրողական հիմնարկում այսօր 5 ժամ սպասեցնելուց հետո արդեն երկրորդ անգամ չեն թողել հանդիպում ունենալ իր պաշտպանյալների հետ:

Շուշանյանն «Ազատությանը» փոխանցեց՝ թույլ է տվել, որ հատուկ սարքով զննեն իրեն, ինչպես նաև իր պաշտպանյալների համար բերած թերթերը: Սակայն, փաստաբանի խոսքով, այդքանով չբավարարվելով՝ փորձել են ստուգել նաև իր մոտ եղած նյութերը, ինչին Շուշանյանն ընդիմացել է՝ հղում անելով օրենքին:

«Ակնհայտ կերպով փորձ է արվում փաստաբանական գաղտնիք պարունակող փաստաթղթերի նկատմամբ ամեն գնով մատչելիություն ստանալ: Փաստաբանի մոտ գտնվող փաստաթղթերն անձեռնմխելի են, դրանց նկատմամբ որևէ մեկը մատչելիություն ունենալ չի կարող: Ես հարցրեցի՝ ի՞նչ իրավաչափ նպատակ է հետապնդում իրենց կողմից ինձ մոտ առկա փաստաթղերը ստանալու ցանկությունը: Ինձ հայտնեցին՝ դե գիտեք ինչ, կարող ա դուք փորձում եք թմրանյութ ներս մտցնել, կամ տոպոգրաֆիկ քարտեզ»,- պատմեց Շուշանյանը:

Փաստաբանի խոսքով, իր մասնագիտական աշխատանքը խոչընդոտվել է, պաշտպանյալներն էլ զրկվել են իրավաբանական օգնություն ստանալու իրավունքից: Երեկ Շուշանյանն արդեն հանցագործության մասին հաղորդում է ներակայացրել գլխավոր դատախազին: Մտադիր է բողոքարկել քրեակատարողական հիմնարկի գործողությունները՝ հասնելով ընդհուպ մինչև Եվրադատարան:

«Միանշանակ, ես վստահ եմ, որ սա քաղաքական որոշում է, ու էս որոշմամբ փորձ է արվում լռեցնել իմ պաշտպանյալների՝ քաղաքական զարգացումներին արձագանքելու, հոդվածներով հանդես գալու իրավունքը»,- հավելեց փաստաբանը:

Արդարադատության փոխնախարար Սուրեն Քրմոյանն ընդունում է, որ փաստաբանը պետք է իր մասնագիտական գործունեությունն առանց խոչընդոտների իրականացնելու հնարավորություն ունենա: Նրա խոսքով, եթե կան օրենսդրական բացեր, դրանք պետք է կարգավորել, տեղում ծագած խնդիրներին էլ խոստանում է արագ արձագանքել: Միևնույն ժամանակ, Քրմոյանը, փորձելով արդարացնել ՔԿՀ-ի պահվածքը, նշում է՝ երբեմն փաստաբանների այցից հետո անցանկալի դեպքեր են արձանագրվում, ուստի և՝ վերջիններս չպետք է հրաժարվեն զննումից:

«Էլի ես ընդունում եմ՝ թող իր որոշակի նյութերը չդիտարկեն, բայց նաև արգելված իր, առարկաներ մուտքագրելու խնդիր կա: ՔԿ ծառայությունը խնդիր է բարձրացնում, ասում են՝ փաստաբանի այցելությունից հետո արգելված իր ենք հայտնաբերել: Օրինակ՝ կարող ա մի մասը սուբյեկտիվ լինի, ես չեմ ուզում փաստաբանական հանրությանը բացասական բան ասեմ, բայց նաև մարդկային գործոնը հաշվի չառնենք․․․»,- այսօր ասաց փոխնախարարը:

Օրեր առաջ նույնաբովանդակ պարզաբանում էր տարածել նաև Քրեակատարողական հիմնարկների վարչությունը: Սակայն, ուշագրավ է այն, որ կոնկրետ այս դեպքում Մուշեղ Շուշանյանը չի ընդվզել, և զննումը տեղի է ունեցել, թեև, դրանից հրաժարվելու իրավունք ուներ:

Իրավապաշտպան Արթուր Սաքունցի խոսքով՝ արդարադատության նախարարության պարզաբանումներն անհիմն են, իրավական տեսակետից էլ՝ «անգրագետ»: Սաքունցի պնդմամբ, «ակնհայտ ապօրինություն է» տեղի ունեցել, քանի որ փաստաբանի զննումը կամ խուզարկումը պետք է հիմնավորված լինի: Ավելին, ըստ իրավապշտպանի՝ արգելված իրերի բացահայտման մասին զրույցները վերացական են, քանի դեռ հստակ օրինակներ չեն նշվել:

«Հ...

Կարդալ ամբողջովին

Եղանակ

Ջերմ {{currentData.temp}}℃
Քամի {{currentData.wind}}կմ/ժ
Խոնավ {{currentData.humidity}}
  • Երեւան
  • Աբովյան
  • Ծաղկաձոր
  • Սեւան
  • Գյումրի
  • Էջմիածին
  • Դիլիջան
  • Վանաձոր
  • Աշտարակ
7 օրվա տեսություն

Փոխարժեքներ

ԱռքՎաճառք
USD486487
EUR511517
RUR8.398.48
ավելին
Արդեն հասանելի է
Դեպի վերեւ