Գեղարքունիքի մարզում կորոնավիրուսով վարակվելու 1 նոր դեպք է հաստատվել
ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ։ Գեղարքունիքի մարզում հաստատվել է կորոնավիրուսային հիվանդության 1 նոր դեպք: Ինչպես հաղորդում է «Արմենպրես»-ը, այս մասին «Ֆեյսբուք»-ի իր էջում գրառում է կատարել Գեղարքունիքի մարզպետ Գնել Սանոսյանը։
«Հաստատված դեպքերի թիվը կազմում է 63: Վարակակիրները Վարդենիս, Մեծ Մասրիկ եւ Սեւան համայնքներից են»,- գրել է Սանոսյանը:
Գեղարքունիքի մարզում կորոնավիրուսով վարակվելու առաջին դեպքն արձանագրվել է ապրիլի 17-ին։ Հայաստանում ապրիլի 28-ի՝ ժամը 11:00-ի դրությամբ կորոնավիրուսի հաստատված դեպքերի ընդհանուր թիվը 1867 է, արձանագրվել է մահվան 30 դեպք: Ընդհանուր առմամբ, կատարվել է 19 հազար 296 թեստ։ Կորոնավիրուսից ապաքինված պացիենտների թիվն ավելացել է 18-ով, և բուժվածների թիվը դարձել է 866։ Այս պահին փաստացի բուժում է ստանում 971 պացիենտ:
Բաժանորդագրվեք մեր ալիքին Telegram-ում