Հույս ունեմ՝ նորից կայցելեմ Հայաստան. «Ռեալի» պատանեկան թիմի ավագի հարցազրույցը ՀԺ-ին

Իսպանիայի մինչեւ 19 տարեկանների ֆուտբոլի ազգային հավաքականի կիսապաշտպան Անտոնիո Բլանկոն տպավորված է Հայաստանից: Ճիշտ է՝ «Ռեալ Մադրիդի» պատանեկան՝ «Խուվենիլ Ա», թիմի ավագը Երեւանում զբաղված է հիմնականում Եվրո 2019-ի մարզումներով ու հանդիպումներով, սակայն հասցրել է զբոսնել կենտրոնով եւ կարծիք կազմել քաղաքի ու բնակիչների մասին: Այս օրերին Իսպանիայի մինչեւ 19 տարեկանների թիմը վերականգնվում է խմբային փուլի վերջին տուրի Իտալիայի դեմ հանդիպումից հետո: Այդ խաղում առաջին կեսից հետո պարտվում էր 0:1 եւ բարդ պայքարում կարողացավ հաղթել (2:1) ու կիսաեզրափակչի ուղեգիր ձեռք բերել: Եզրափակչում հայտնվելու համար այս թիմը մրցելու է Ֆրանսիայի դեմ եւ այժմ պատրաստվում է այդ խաղին: «Հայկական ժամանակ»-ի հետ զրույցում 19-ամյա ֆուտբոլիստը խոսեց Եվրո 2019-ի, այդ մրցաշարում իրենց առջեւ դրված նպատակների,  Հայաստանի, իր ապագայի, ինչպես նաեւ այն մասին, թե ինչ սպասելիքներ ունի «Ռեալի» 2-րդ թիմում՝ «Կաստիլյայում», ելույթներից. այնտեղ է հանդես գալու հաջորդ՝ 2019-20, մրցաշրջանից:

- Շատ կարեւոր մրցաշար է, քանի որ պայքարում ենք Եվրոպայի լավագույնների դեմ: Ի վերջո կարեւոր է ինչպես անձամբ ինձ, այնպես էլ թիմի համար: Ձգտում ենք Եվրոպայի չեմպիոն դառնալ:

- Եվրո 2019-ում մինչեւ հիմա ո՞րն է եղել ձեր ամենադժվար հանդիպումը:

- Բոլոր հանդիպումներն էլ բարդ են, քանի որ ուժեղ հավաքականներ են մասնակցում: Ճիշտ է՝ պետք է նշել, որ Իտալիայի դեմ խաղը շատ բարդ ստացվեց, քանի որ որոշվում էր կիսաեզրափակիչ դուրս գալու հարցը: Եվ կիսաեզրափակիչն էլ բարդ է լինելու, որովհետեւ գիտենք, որ Ֆրանսիան շատ ուժեղ մրցակից է: Հույս ունենք, որ կհաղթենք ու եզրափակիչ դուրս կգանք: Բարդ հանդիպում է լինելու: Պայքարելու ենք ուժեղ մրցակցի դեմ, եւ մենք էլ պատրաստ ենք եւ փորձելու ենք ամեն ինչ լավ անել, որպեսզի հայտնվենք եզրափակչում:

- Իտալիայի դեմ խաղի ժամանակ, եղե՞լ է պահ, որ մտածեք, որ գուցե չանցնեք կիսաեզրափակիչ:

- Այո՛, հատկապես այն բանից հետո, երբ մեզ գոլ խփեցին: Ամեն դեպքում գիտեինք, որ առջեւում 2-րդ խաղակեսն էր, վստահ էինք մեր խաղի վրա, քանի որ լավ ենք խաղում: 2-րդ կեսում շատ լավ խաղացինք, ամեն ինչ ստացվեց այնպես, ինչպես ուզում էինք, եւ անցանք կիսաեզրափակիչ:

- Խմբային փուլում խաղացել եք Պորտուգալիայի դեմ (1:1), եւ գուցե եզրափակչում էլ Իսպանիա-Պորտուգալիա դիմակայություն լինել:

- Այո՛, կարող է այդպես ստացվել: Երկու ուժեղ հավաքականներ ենք եւ երկուսս էլ եզրափակչում հայտնվելու շանսեր ունենք:

- Իսկ ի՞նչ կարծիք ունեք ձեր մրցակիցներից Հայաստանի ընտրանու մասին:

- Լավ հավաքական է, ինչպեսեւ մենք, պայքարեց առաջին կեսում, որը մեզ համար բարդ ստացվեց: Մեզանից ջանքեր պահանջվեցին առաջին գոլը խփելու համար: Հետո հավասարեցրին հաշիվը, բայց մենք, կարծում եմ, ավելի ուժեղ էինք այդ խաղում եւ կարողացանաք հաղթել:

- Ի՞նչ պետք է անի Հայաստանի թիմն ավելի լավ արդյունքների հասնելու համար:

- Պետք է կամաց-կամաց առաջ շարժվել: Կարծում եմ՝ զարգանում են եւ կարծում եմ՝ ամեն ինչ բավական լավ են անում: Աստիճանաբար կստացվի ցածր տարիքային խմբերում ավելի մեծ արդյունքների հասնել:

- Իսպանիայի համար ձախողո՞ւմ կլինի, եթե Եվրո 2019-ի չեմպիոն չդառնաք:

- Ձախողում չի լինի, բայց իհարկե հաղթելու մեծ հույսեր ունենք, քանի որ արդեն հաղթել են մինչեւ 17 տարեկանների մրցաշարում: Գիտենք, որ բարդ է լինելու, որովհետեւ Եվրոպայի լավագույնների դեմ ենք պայքարում: Պետք է մեծ ուշադրություն դարձնենք յուրքանչյուր մանրուքի վրա, որպեսզի կարողանանք չեմպիոն դառնալ: Մեր երազանքն է չեմպիոն դառնալը եւ կարծում եմ՝ լավ սերունդ ունենք, որպեսզի կարողնանք անել դա:

- Այս ընթացքում մարզվում եք Երեւանի ֆուտբոլի ակադեմիայում: Ի՞նչ կարող եք ասել ՀՀ-ում ենթակառուցվածքների մասին:

- Մարզադաշտերը շատ լավն են, եւ դա մեր օգտին է, հիանալի է: Մարզաբազան էլ շատ լավն է, ինչը մեզ լավ մարզվելու եւ մեր աշխատանքն անելու հնարավորություն է տալիս:

- Իսկ ընդհանրապես Հայաստանի, մարդկանց մասին ի՞նչ տպավորություններ ունեք:

- Մի երկիր է, որը մեզ շատ է դուր եկել՝ չնայած շոգին (խմբ. ծիծաղում է): Մարդիկ շատ բարեհամբույր են, եւ երկիրն էլ հրաշալի է: Զբոսնել ենք կենտրոնում, հիանալի է: Ինչպես նշեցի, մարդիկ բարեհամբույր են, եւ ամեն ինչ գերազանց է:

- Ի՞նչ եք հասցրել տեսնել՝ բացի Հանրապետության հրապարակից:

- (Խմբ. ծիծաղում է) ոչինչ:

- Այստեղ գեղեցիկ վայրեր կան:

- Այո՛, շատ գեղեցիկ է, այս տարածքում շատ գեղեցիկ է, եւ մեզ շատ է դուրս գալիս:

- Հայաստանի մասին մինչեւ այստեղ գալն ինչ-որ տեղեկություն ունեի՞ք:

- Ո՛չ (խմբ. ժպտում է), ոչինչ չգիտեինք, քանի որ նախկինում երբեք այստեղ չենք եղել: Բայց շատ ենք հավանել, եւ հույս ունեմ, որ նորից կայցելեմ Հայաստան: Հուսով եմ՝ ապագայում կկարողանամ պարզապես այցելել, արձակուրդ անցկացնել, քանի որ շատ դուր գալիս:

- Գիտե՞ք՝ այստեղ շատ են «Ռեալ Մադրիդի» ու «Բարսելոնայի» երկրպագուները:

- Գիտենք, որ «Ռեալն» ու «Բարսելոնան» աշխարհի ամենամեծ ակումբներից են եւ շատ երկրպագուներ ունեն ողջ աշխարհում: Շատ գոհացուցիչ է, որ այդքան մարդ է հետեւում նրանց: Կան բազմաթիվ երեխաներ, որոնք ցանկանում են հանդիպել մեզ հետ, լուսանկարվել, իսկ մեզ համար էլ մեծ հպարտություն է, որ երեխաներն ուրախանում են:

- «Ռեալի» ու «Բարսայի» հակամարտությունն ինչպիսի՞ն է ավելի ցածր տարիքային խմբերում: Նո՞ւյնն է, ինչ առաջին թիմերի դեպքում:

- Այո՛, ի վերջո Իսպանիայի 2 լավագույն ակումբներն են, եւ ինչպես պրոֆեսիոնալ մակարդակում, այնպես էլ երիտասարդական եւ պատանեկան թիմերում մրցակությունը նույնն է: Բոլոր տարիքային խմբերում էլ Կլասիկոն Կլասիկո է, եւ դրանք հանդիպումներն են, որոնց ողջ աշխարհն է ցանկանում մասնակցել: Բոլորիս էլ դուր է գալիս խաղալ այդպիսի խաղերում, որովհետեւ դրանք գեղեցիկ են, որովհետեւ մրցում ես այնպիսի խաղացողների դեմ, որոնք քո մակադրակի են:

- Իսկ «Ռեալում» ինչպիսի՞ն են առաջին թիմի ու ավելի ցածր տարիքային խմբերի թիմերի խաղացողների հարաբերությունները:

- Ես ինքս դեռեւս այդքան էլ շատ շփումներ չեմ ունեցել առաջին թիմի հետ: Սակայն, եթե ինչ-որ խաղացող խաղա նրանց հետ, խնդիր չի լինի: Բոլորը շատ բարեհամբույր են, բոլորն էլ նույն մասնագիտությամբ են զբաղվում, եւ ի վերջո բոլորս անում ենք այն, ինչ սիրում ենք:

- Ի դեպ առաջին թիմի մասին. անցած մրցաշրջանը շատ վատ դասավորվեց: Ի՞նչ սպասելիքներ ունեք գալիք մրցաշրջանից:

- Հույս ունենք, որ կշարունակի տիտղոսներ նվաճել, ինչպես միշտ արել է: Եվ վստահ եմ, որ ֆանտաստիկ մրցաշրջան է սպասվում բոլոր մարդրիդիստների համար:

- Զրույցի սկզբում նշեցիք, որ Եվրո 2019 Ձեզ համար կարեւոր է նաեւ անձնական առումով: Մրցաշարին ներկա գտնվող գործակալները Ձեզ հետ կապ հաստատե՞լ են:

- Ո՛չ, որովհետեւ այս պահին կենտրոնացած ենք մրցաշարի վրա: Ոչ մի կապ չենք հաստատել: Այս պահին մտածում եմ միայն չեմպիոն դառնալու մասին:

- Իսկ ապագա կարիերայի մասին մտածո՞ւմ եք, հնարավո՞ր է հեռանաք «Ռեալից»: Նման մտքեր կա՞ն:

- Ինչպես նշեցի, կենտրոնացած եմ մրցաշարի վրա: Իմ ակումբը «Ռեալը Մադրիդն» է, եւ շատ գոհ եմ այնտեղ: Հույս ունեմ՝ դեռ երկար տարիներ կմնամ այնտեղ:

- Փորձելու եք հայտնվել առաջին թիմում...

- Իմ երազանք է մի օր «Ռեալի Մադրիդի» առաջին թիմում խաղալը: Բայց այս տարի պետք է լինեմ «Կաստիլյայում», պետք է աշխատեմ այնտեղ, կենտրոնացած լինեմ, փորձեմ ամեն ինչ լավ անել, որպեսզի մի օր կարողանամ իրականացնել այդ երազանքը:

- Դուք Խուվենիլ Ա-ի ավագն եք: Ի՞նչ դա Ձեզ համար նշանակում:

- Ինձ համար մեծ նշանակություն ունի, թիմին առաջնորդելու պարտականությունը ստանձնելը կարեւոր քայլ է: Լավ մրցաշրջան ստացվեց: Թեեւ չկարողացանք տիտղոս նվաճել, բայց ընդհնուոր առմամբ բավական լավ ստացվեց, եւ գոհ ենք:

- Եվ ի՞նչ նպատակներ կան առաջիկա մրցաշրջանի համար:

- Ինչպես նշեցի, խաղալու եմ «Կաստիլյայում»: Փորձելու եմ խաղալ հնարավորինս շատ, մրցել լավագույնս: Դա ավելի բարձր մակարդակ է, մակարդակ է, որտեղ հանդիպում ես տարիքով ավելի մեծերի հետ, պետք է կարողանաս լավագույնս դրսեւորել քեզ:

- «Ռեալ Մադրիդի» առաջին թիմում հայտնվելու ի՞նչ շանսեր ունեք:

- Աշխատելու եմ այդ ուղղությամբ, իսկ դա որոշելու է պատասխանատվությունը գլխավոր մարզչինն է (խմբ. Զինեդին Զիդանը): Նա է որոշելու:

Տպել
2202 դիտում

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է