Եթե տեսնեինք, որ պետք է չստորագրվի, կողմ չէինք քվեարկի ԱԺ-ում. Գրիգորյանը՝ «Պետական տուրքի մասին» օրենքի նախագծի մասին

Օրեր առաջ ՀՀ Ազգային ժողովում ամբողջությամբ ընդունված «Պետական տուրքի մասին» օրենքում լրացում կատարելու մասին օրենքի նախագիծը աղմուկ է բարձրացրել վարորդների շրջանում:

Ընդունումից հետո «Վարորդի ընկեր» ՀԿ-ն դիմել է ՀՀ նախագահին, որ վերջինը դիմի ՀՀ Սահմանադրական դատարան՝ պարզելու, թե արդյոք ընդունված օրենքը համապատասխանո՞ւմ է Սահմանադրությանը: Վերոնշյալ օրենքի փոփոխությամբ քաղաքացիները պետք է Ճանապարհային ոստիկանության աշխատակցի կողմից տուգանքը վիճարկելու համար դատարանին վճարեն 4000 դրամ պետտուրք: Եթե չհաջողվի առաջին ատյանի դատարանում արդյունքի հասնել, պետք է 10 հազար դրամ պետտուրք էլ վճարել, իսկ եթե այդտեղ էլ արդյունքի չհասնեն, ապա եւս 20 հազար պետտուրք պետք է վճարեն Վճռաբեկ դատարանում։ Օրենքը ուժի մեջ կմտնի հունվարի 1-ից: Նախագծի նպատակն է կրճատել դատարան ներկայացվող հայցադիմումների թիվը, քանի որ դատարանները ծանրաբեռնված են: Եթե դատարանը բավարարի քաղաքացու հայցը, ապա նրա վճարած պետական տուրքը կվերադարձվի:

Նշենք նաեւ, որ գործող օրենքով դատարաններում պետական տուրքի վճարումից ազատվում են ոչ առեւտրային կազմակերպությունները եւ ֆիզիկական անձինք՝ վարչական իրավախախտումների վերաբերյալ համապատասխան լիազորված մարմինների ընդունած որոշման դեմ բողոքներով:

«Վարորդի ընկեր» ՀԿ նախագահ Տիգրան Քեյանը «Հայկական ժամանակ»-ի հետ զրույցում ասաց, որ իրենց խաբել են՝ բալային համակարգի փաթեթի մեջ ներառելով «Պետական տուրքի մասին» օրենքի նախագիծը. «Օրենսդիր եւ գործադիր մարմինը հաշվի չի առել ՍԴ այն որոշումը, որ տուրքի արտոնության կիրառումը նպատակահարմար չէ: Դրա համար մենք դիմել ենք ՀՀ նախագահին, որ այդ փաթեթը չստորագրի եւ ուղարկի ՍԴ»:

Քեյանը նշեց, որ դիմումը երեկ են ուղարկել: Դիտարկմանը, եթե դատարանը քաղաքացու հայցը բավարարի, ապա նրա վճարած տուրքը կվերադարձվի, Քեյանն արձագանքեց. «Ցանկացած իրավիճակում դատական ծախսը հոգում է պարտվող կողմը, բայց քանի որ քաղաքացին ազատված էր պետական տուրքի պարտավորությունից, եթե նա պարտվեր դատական պրոցեսում, պետական տուրք չէր վճարի: Այս դեպքում քաղաքացին սոցիալական արդարության, իր իրավունքները պաշտպանելու հավասարության առումով իրավունք ուներ դիմել դատարան՝ առանց լրացուցիչ ծախսեր կատարելու: Բայց տվյալ պարագայում քաղաքացին 4 հազար դրամի համար չի փորձի 3 ատյաններ սպառել՝ ընդհանուր առմամբ վճարելով 34 հազար դրամ»:

Հարցին՝ չկա՞ն դեպքեր, երբ քաղաքացին սխալ է, սակայն դատարան է դիմում եւ ավելորդ անգամ ծանրաբեռնում դատարանի աշխատանքը, Քեյանը պատասխանեց. «Այստեղ խնդիրը հետեւյալն է. մեր քաղաքացիներին չպետք է կոպալով դաստիարակենք: Պետք է կրթենք: Իսկ կա՞ դեպք, որ պետությունը կրթական կամ սոցիալական ինչ-որ ծրագրեր է իրականացրել կամ երթեւեկության անվտանգության առումով ինչ-որ ծրագրեր է իրականացրել: Չկա նման բան: Չկա կանխարգելման միջոցառում: Ոստիկանությունը միայն պատժիչ միջոց չէ, միայն տուգանող մարմին չէ, նա պետք է առաջին հերթին հսկողություն իրականացնի, կանխարգելի: Եթե մենք գիտենք, որ մարդն ինչ-որ գողություն է ուզում անել, չկանխարգելե՞նք, ասենք՝ թող անի, նոր հետո գնանք բռնե՞նք: Ես չեմ բացառում ձեր նշած դեպքերը, բայց դրա տարածման եւ կանխարգելման հարցում ոչ մի բան չենք անում: Փորձը ցույց տվեց, որ տարեկան մոտ 2 մլն տուգանք է կազմվում եւ նվազման միտում չունի»:

ՀՀ ԱԺ «Իմ քայլը» խմբակցության պատգամավոր Սուրեն Գրիգորյանի կարծիքով՝ ընդունված օրենքի նախագիծը չի վնասելու քաղաքացիներին, ավելին՝ այն քաղաքացիների շահերից է բխում, բայց քանի որ այդ շահն այնքան ակնհայտ չէ, բազմաթիվ մանիպուլյացիաների տեղիք է տալիս:

«Այսօր, երբ պետական տուրք սահմանված չէ, դատարանները գերծանրաբեռնված են նման ակտեր քննելով: Դատարանները, եթե, օրինակ, քննում են 5 հազար դրամի ակտի հարց, պետությունը դրա վրա ավելի շատ ռեսուրս է ծախսում: Դա էլի քաղաքացիների փողից է տրվում: Քաղաքացու փողը այսօր ավելի շատ է ծախսվում, քան ծախսվելու է»,- ասաց Գրիգորյանը:

Պատգամավորի խոսքով՝ քաղաքացին հնարավորություն ունի դիմելու ոստիկանություն՝ վերադասության կարգով, որպեսզի գործը դատարան չհասնի. «Եթե ոստիկանությունում վերադասությամբ բողոքարկմամբ քաղաքացին չի ստանում իր համար ցանկալի արդյունքը, հետագայում գնում է դատարան եւ, օրինակ, 5 հազար դրամ ակտի համար 4 հազար դրամ տուրք է վճարում: Եթե դատարանում ապացուցվում է իր ճշմարտացիությունը, ապա ե՛ւ այդ տուրքի գումարն է ենթակա վերադարձման, ե՛ւ նրան ներկայացնող փաստաբանի ծախսերը պետք է պետությունը վճարի»:

Դիտարկմանը, թե նախագծից դժգոհողները նշում են, որ ոստիկանությունը 90 տոկոս դեպքերում մերժում է բողոքարկումները, իսկ դատարաններն էլ վստահելի չեն, եւ հնարավոր է 3 ատյան գնալով՝ 5 հազար դրամ ակտի համար 34 հազար պետական տուրք վճարեն, Գրիգորյանն արձագանքեց. «Եթե դատարաններին չեն վստահում, այդ դեպքում ինչո՞ւ են բողոքում, որ դատարան դիմելու համար պետական տուրք է սահմանվել: Այստեղ տրամաբանական հակասություն կա: Հնարավո՞ր է՝ այս մոդելը չաշխատի՝ հնարավոր է: Երբեք, որեւիցե ոլորտում ինչ-որ մոդելի ներդրման դեպքում երաշխիք չունենք, որ այն 100 տոկոսով կաշխատի: Հիմա, որ մեքենա ենք գնում, վստահ չենք, որ 100 մետր քշելուց հետո շարժիչը չի փչանա: Բայց ես կարող եմ ասել, որ գործող օրենքն արդեն ապացուցել է, որ չի աշխատում»:

Տպել
2151 դիտում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի