Թող Արցախի նախագահի թեկնածուները ասեն՝ իրենց համար ընդունելի՞ է Սերժ Սարգսյանի թողած ժառանգությունը. Նիկոլ Փաշինյան

Արմեն Գրիգորյանը հենց կոնկրետ այդպիսի հայտարարություն չի արել։ Այս մասին այսօր Կապանում տեղի ունեցող մամուլի ասուլիսի ժամանակ ասաց ՀՀ վարչապետ Նիկոլ Փաշինյանը՝ անդրադառնալով հարցին, թե ո՞վ եւ ովքե՞ր են հեղաշրջման փորձ արել, քանի որ վերջերս ՀՀ անվտանգության խորհրդի քարտուղար Արմեն Գրիգորյանը նմանատիպ հայտարարություն էր արել։

«Արմեն Գրիգորյանը արել է ձեւակերպումներ, որոնք լրագրողին բերել են այդպիսի եզրակացության։ Ես շատ կարեւոր եմ համարում այս հարցի պարզաբանումը։ Հեղաշրջում, պետական հեղաշրջում, պատերազմ, այսպիսի հասկացությունները ժամանակի ընթացքում փոփոխություն են կրում։ Հիմա, եթե Արմեն Գրիգորյանի հայտարարությունը փորձենք մեկնաբանել՝ կարող ենք դա ձեւակերպել հեղաշրջման հիբրիդային նախապատրաստություններ ու հիմա մենք կարող ենք դրա մասին խոսել, որովհետեւ այդ պրոցեսը լիարժեք պարտված է եւ ջախջախված»,- ասաց վարչապետը։

Նա նշեց, թե ինչ նկատի ունի հիբրդիային պրոցես ասելով․ «Օրինակ՝ այդ պրոցեսի անբաժանելի մաս է այն, որ տասնյակ միլիոնավոր դոլարներ են ծախսվում լրատվամիջոցներով՝ ՀՀ ղեկավարի, նրա ընտանիքի անդամների, բարձրաստիճան պաշտոնյաների մասին սուտ տեղեկություններ տարածելու համար։ Ընդ որում դա արվում է ներգրավելով՝ քրեական աշխարհը, տարբեր ուժեր, կոռումպացված դեմքերի։ Եվ ինչո՞ւ է հեղաշրջում բառը այս պրոցեսի մեջ տեղավորվում, որովհետեւ հընթացս դրա մեջ ներգրավվում են նաեւ գործող պաշտոնյաներ։ Դրա մեջ ներգրավված են լինում նախկին պաշտոնյաներ, դատական համակարգի պաշտոնյաներ։ Ժամանակին ես մտածում էի, որ ողջ դատական համակարգն է այդպիսին, բայց փառք Աստծո ժամանակը ցույց տվեց, որ ամենեւին այդպես չէ, ընդամենը առանձին փոքր խմբեր են դատական համակարգի։ Սահմանադրական դատարանը՝ կոնկրետ պաշտոն օկուպացրած, որոշ պաշտոնյաներ, որոնք փորձել են ՍԴ մյուս անդամներին նույնպես ներգրավվել այդ պրոցեսի մեջ։ Բայց ես ուրախ եմ արձանագրել, որ ՍԴ անդամների 80 տոկոսը այդ պրոցեսի մեջ չի ներգրավվել։ Միայն թե ինձ չասեք տվեք անուններ, որովհետեւ ես տվեցի անուններ՝ ուղղակի թույլ տվեք ինձ կոնկրետ անուն-ազգանուններ տալու տհաճությունից ազատել։ Սա է այս պրոցեսի մասը։ Օրը մեջ տարբեր օտարերկրյա մայրաքաղաքներ այցելություններ եւ հանդիպումներ, միջազգային կազմակերպությունների հետ հանդիպումներ։ Այն միջազգային հեղինակավոր կազմակերպությունների եւ կոնկրետ ղեկավարների, որոնք երկար տարիներ եվրոպայից սպասարկել են Հայաստանի կոռումպացված իշխանությանը եւ իշխանության բռնազավթման կոնկրետ կետերի համահեղինակ են։ Որովհետեւ լռել են եւ նրանց լռությունը անվճա՞ր է եղել։ Հնարավոր է գա ժամանակը, մենք այս թեմաներին էլ անդրադառնանք։

Հիմա հարց, արդյո՞ք ՀՀ Ազգային անվտագության մարմինները զբաղվում են այս ամենով, այո՛ զբաղվում են։ Եվ, երբ ապացույցները լինեն բավարար, որ մարդիկ ենթարկվեն քրեական պատասխանատվության՝ ուրեմն մարդիկ կենթարկվեն քրեական պատասխանատվության։ Նպատակն այն է եղել, որ ազգային անվտանգությանը սպառնացող վտանգները չեզոքացվեն եւ դրանք չեզոքացված են՝ վաղուց են չեզոքացված, արդեն մի քանի ամիս։ ՀՀ քաղաքացիների 90 տոկոսը այդ վտանգը ո՛չ տեսել է, ո՛չ նկատել, եւ դա է ամենակարեւորը։ Եվ, որպեսզի տարընթերցումներ չլինեն, ասեմ, որ այո, այդ հարցում Հայաստանի իրավապահ համակարգը իքս պահից սկսած գործել է շատ արդյունավետ։ Եվ ես ուզում եմ այդ էֆեկտիվության համար առանձնահատուկ գնահատանքի խոսքեր ասել՝ ՀՀ ԱԱԾ-ին, ՀՀ ոստիկանությանը, իրավապահ մյուս համակարգի ներկայացուցիչներին»,- մանրամասնեց Նիկոլ Փաշինյանը։

Նա նշեց, որ մամուլում էլ այդ մասին հրապարակումներ եղան, շատ պարզ պլան է գործել։

«Դուք այսօր տեսնո՞ւմ եք, թե ինչ է կատարվում համացանցային դաշտում։ Երեւակայության մասշտաբը հասել է այնտեղ, որ իրանցի բարձրաստիճան պաշտոնյայի հետ կապված ցավալի դեպքի արդյունքում հայկական համացանցում նյութ է հայտնվում, որ ասում են գեներալի պորտֆելի մեջ թուղթ են գտել, որտեղ մանրամասներ կան՝ ՀՀ վարչապետի եւ նրա ընտանիքի անդամների հարաբերությունների մասին։ Երեւակայության թռիչքը նայեք էլի։ Եվ ի՞նչ է պլանը՝ լրատվական գրոհով, տասնյակ միլիոն դոլարներով այսպես ասած ցածրացնել վարչապետին եւ նրա ընտանիքին, իշխանության մյուս ներկայացուցիչներին, որից հետո գործի մեջ մտնի դատական համակարգը, հետո գործի մեջ մտնի Սահմանադրական դատարանը, հետո ավելի վատ լուրեր տարածվեն։ Ասեն ՀՀ ղեկավարությունը ի վիճակի չի առողջական վիճակից ելնելով կառավարել երկիրը։ Ինչպես կա՝ պատերազմ, հիբրիդային պատերազմ, այնպես էլ կա հեղաշրջում եւ հիբրիդային հեղաշրջում ու մենք այդ հեղաշրջման ողնաշարը ջարդել ենք»,- ասաց վարչապետը։

Նա նշեց, որ հիմա էլ հուսահատությունից հույս ունեն, որ իրենց վերջին շանսը՝ Արցախի նախագահական ընտրություններում բոլորի կողմից մերժված ինչ-որ մեկին մանիպուլյացիայի արդյունքում դարձնել Արցախի նախագահ։ «Բայց դա էլ չի ստացվելու, որովհետեւ ՀՀ եւ Արցախի ղեկավարության համար այս սցենարը պարզ է, այս սցենարը պարզ է նաեւ Արցախի ժողովրդի համար։ Ու հիմա ի՞նչ են ուզում ասել, ասում են կառավարությունը ոչ հայանպաստ քաղաքականություն է վարում Արցախի հարցում ու եթե Արցախում ընտրվի այնպիսի նախագահ, որ դեմ չէ ՀՀ իշխանություններին, ապա դա սպառնալիքներ է ստեղծում Հայաստանի եւ Արցախի համար»,- նշեց վարչապետը՝ հավելելով, որ սկսել են թեզ շրջանառել, թե Սերժ Սարգսյանի ժառանգությունը Արցախի հարցում ՀՀ իշխանությունը կորցրել է։

«Եկեք նայենք, թե ինչ ժառանգություն է թողել Սերժ Սարգսյանը Ղարաբաղի հարցում։ Վերջերս լրատվականներից մեկում մի հոդված տպվեց, որտեղ փաստաթղթից մեջբերում էր, թե Սերժ Սարգսյանը, որ կետում է թողել բանակցությունները։ Ու նախորդ իշխանությունների կողմից դրա վերաբերյալ հերքում չեղավ։ Սերժ Սարգսյանը Ղարաբաղի վերաբերյալ ի՞նչ է թողել.

Պարբերություն առաջին՝ 7 շրջանների՝ Աղդամի, Ֆիզուլիի, Զանգելանի, Կուբաթլուի, Ջաբրայիլի, Քելբաջարի եւ Լաչինի վերադարձը՝ Ադրբեջանին, պայմանով, որ պահպանվում է ԼՂՀ-ն Հայաստանին կապող միջանցք։

Հաջորդ կետը՝ կողմերի միջեւ համաձայնեցված ժամկետներում՝ ՄԱԿ-ի կամ ԵԱՀԿ հովանու ներքո ԼՂ ողջ բնակչության ազատ կամարտահայտությունը հանդիսացող համընդհանուր քվեարկության անցկացման միջոցով ԼՂ վերջնական իրավական կարգավիճակի որոշումը, որը կլինի իրավական առումով պարտադիր եւ կհամապատասխանի միջազգային իրավունքի նորմերին ու սկզբունքներին՝ նկատի ունենալով, որ քվեարկության դրված հարցը կամ հարցերը չպետք է սահմանափակվեն ու կարող են ներառել կարգավիճակին վերաբերող բոլոր տարբերակները։ Տարածաշրջանում՝ քաղաքական, առեւտրային, տնտեսական եւ հումանիտար կապերի ամբողջական կարգավորում, դրացիական համագործակցության վերականգնում, Հարավային Կովկասի տարածաշրջանի ամբողջական կայունության ապահովում։

Պարբերություն 2-րդ՝ վերաբնակները միջազգային հանրության օժանդակությամբ լքելու են առաջին պարբերությունում նշված 5 շրջանների տարածքները։ Ադրբեջանի քաղաքացիական իշխանությունները մտնելու են նշված տարածքներն այն բանից հետո, երբ կտեղակայվեն խաղաղապահ միջազգային ուժերը եւ դուրս կհանվեն այդ շրջաններում ներկայումս գտնվող զինված ուժերը։ Խաղաղապահ միջազգային ուժերը կտեղակայվեն նախկին Լեռնային Ղարաբաղի ինքնավար շրջանի վարչական սահմանների երկայնքով՝ բացառությամբ Քելբաջարի եւ Լաչինի շրջանների մաս կազմող հատվածների։ Քելբաջարի շրջանը կմնա ԵԱՀԿ անցումային մշտադիտարկման տակ։

Պարբերություն երեք՝ միեւնույն ժամանակ վերոնշյալ միջոցների ձեռնարկմանը զուգահեռ մինչ վերջնական կարգավորման որոշումը ԼՂ-ն պետք է օժտվի ժամանակավոր կարգավիճակով, որը կերաշխավորի նրա ամենօրյա կենսագործության կազմակերպումը։

Սա ըստ այս հրապարկման այն ժառանգությունն է, որը եղել է սեղանին։ Հիմա մեզ մեղադրում են, որ մենք այս ժառանգությունը կորցրել ենք։ Որ պահին ՀՀ-ն այս նույն կետից ուզենա շարունակի բանակցությունները՝ միջազգային հանրությունը ոչ մի պրոբլեմ չի ստեղծի։ Հիմա ես ուրիշ բան եմ ասում, Արցախի նախագահի բոլոր թեկնածուները թող ասեն, այս տեքստը իրենց համար ընդունելի՞ է, թե ընդունելի չէ, թող Արցախի ժողովուրդն ասի այս տեքստն իր համար ընդունելի՞ է, թե ընդունելի չէ, թող Հայաստանի ժողովուրդն ասի, այս տեքստն իր համար ընդունելի՞ է, թե ընդունելի չէ։ Եթե ձեզ կհավատացնեն, որ սա կորսված է՝ ձեզ խաբում են։ Եթե Արցախի ժողովուրդը, Հայաստանի ժողովուրդը կորոշեն, որ սա է բանակցությունների հիմքը, որ սա է ընդունելի տարբերակը, ես երաշխավորում եմ, որ նույն պահին սա կհայտնվի բանակցային սեղանի շուրջ, ոչ մի պրոբլեմ չենք ունենա։ Հիմա ես առաջարկում եմ եւ պնդում եմ, որ Արցախի նախագահի բոլոր թեկնածուներն ասեն, սա իրենց համար ընդունելի՞ է, թե ընդունելի չէ։

Սա չափազանց կարեւոր շեշտադրում է, որպեսզի շահարկումները վերանան, որովհետեւ երբ ես դարձել եմ վարչապետ, ինձ առաջարկ է եղել, որ ես նույն կետից շարունակեմ բանակցային պրոցեսը, ինչ կետում ընդհատվել է Սերժ Սարգսյանի հեռանալով։ Իմ պատասխան տեքստը եղել է 2019 թվականի մարտին՝ Ստեփականերտում ՀՀ եւ ԱՀ անվտանգության խորհուրդների համատեղ նիստում։ Եվ ուզում եմ ասել, որ ՀՀ որեւէ կառավարություն Արցախի հարցում այնքան թափանցիկ չի եղել, ինչպիսի է մեր կառավարությունը եւ ես անձամբ։

Բայց Արցախի նախագահի ընտրություններում բոլոր թեկնածուները պիտի ասեն, իրենց համար այս ժառանգությունն ընդունելի՞ է, թե ընդունելի չէ։ Իրենք մտածում են, որ ՀՀ վարչապետը այսօր պիտի որպես ժառանգություն սա վերցնի ու շարունակի՞ բանակցությունները, թե՝ ոչ։ Ընդ որում, երաշխավորում եմ, որ այդ առումով ոչ մի պրոբլեմ չի լինի՝ ընդհակառակը»,- եզրափակեց վարչապետը։

Տպել
3451 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում