Զորավանում անասնագոմի տանիք և մոտ 220 հակ անասնակեր է այրվել
19:21, 19 Հոկտեմբեր 2020
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Կոտայքի մարզային ճգնաժամային կառավարման կենտրոնը հոկտեմբերի 19-ին, ժամը 13:05-ին ահազանգ է ստացել, որ Զորավան գյուղի 1-ին փողոցում այրվում է անասնագոմ:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ։
Պարզվել է, որ հրդեհ է բռնկվել Զորավան գյուղի 1-ին փողոցի թիվ 4 շենքի մոտակայքում գտնվող անասնագոմի տանիքում:
Հրդեհը մեկուսացվել է ժամը 14։23-ին, մարվել՝ 17։24-ին։ Այրվել են անասնագոմի տանիքի փայտե կառուցատարրերը (մոտ 60 քմ) և մոտ 220 հակ անասնակեր։
Բաժանորդագրվեք մեր ալիքին Telegram-ում