Պատմության հետագծով
ԵՐԵՎԱՆ, 25 ՀՈԿՏԵՄԲԵՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: 473 թ. հոկտեմբերի 25-ին Լեւոն I կայսրը Բյուզանդիայի կայսր է հռչակում իր թոռ Լեւոն II-ին:
- 1866 թ. հոկտեմբերի 25-ին ծնվել է Հակովբոս Տաշյանը՝ ձեռագրագետ, բանասեր, լեզվաբան, հայագետ։
- 1900 թ. հոկտեմբերի 25-ին ծնվել է Հովհաննես Ավագյանը՝ հայ խորհրդային դերասան։ ՀԽՍՀ ժողովրդական արտիստ:
- 1906 թ. հոկտեմբերի 25-ին ծնվել է Վռամշապուհ Շաքարյանը՝ հայ նկարիչ։ ՀԽՍՀ արվեստի վաստակավոր գործիչ (1967)։ Հայրենական մեծ պատերազմի մասնակից:
- 1909 թ. հոկտեմբերի 25-ին ծնվել է Արծրուն Աբրահամյանը՝ հայ քիմիկոս, քիմիական գիտությունների դոկտոր (1971)։
- 1913 թ. հոկտեմբերի 25-ին ծնվել է Անտոն Քոչինյանը՝ հայ կուսակցական եւ պետական գործիչ։ Հայաստանի կոմունիստական կուսակցության (ՀԿԿ) կենտկոմի առաջին քարտուղար 1966-1974 թվականներին։
- 1920 թ. հոկտեմբերի 25-ին ծնվել է Հովհաննես Բարսեղյանը՝ հայ լեզվաբան, բանասիրական գիտությունների դոկտոր (1981), պրոֆեսոր (1982), ՀԽՍՀ գիտության վաստակավոր գործիչ (1970), ՀՀ նախագահի մրցանակակիր (2003), Սուրբ Մեսրոպ Մաշտոցի շքանշանի ասպետ (2010)։
- 1923 թ. հոկտեմբերի 25-ին ծնվել է Արտաշես Բաբայանը՝ հայ դրամատուրգ, թատերագետ, թարգմանիչ: ՀԽՍՀ արվեստի վաստակավոր գործիչ (1975):
- 1973 թ. հոկտեմբերի 25-ին մահացել է հայ խորհրդային կոմպոզիտոր Սարգիս Բարխուդարյանը:
- 1992 թ. հոկտեմբերի 25-ին մահացել է հայ խորհրդային կոմպոզիտոր Վաղարշակ Կոտոյանը:
Մ. Ա.
Բաժանորդագրվեք մեր ալիքին Telegram-ում