1029 դիտում
18:13 12-12-2019
Վարդենիսի բժշկա-հումանիտար քոլեջն ինստիտուցիոնալ հավատարմագրում է անցնում
Վարդենիսի բժշկա-հումանիտար քոլեջն ինստիտուցիոնալ հավատարմագրում է անցնում: Այն միջին մասնագիտական ուսումնական հաստատությունների թվում առաջիններից մեկն է, որ սեփական նախաձեռնությամբ ինստիտուցիոնալ հավատարմագրում է անցնում։
Նշենք, որ ինստիտուցիոնալ հավատարմագրումը ՀՀ-ում պարտադիր է ոչ միայն բուհերի, այլ նաև քոլեջների համար։
Փորձագիտական խումբը դեկտեմբերի 11-13-ին արտաքին գնահատում է իրականացնելու քոլեջում` դիտարկելով ուսումնական հաստատության գործունեությունը ինստիտուցիոնալ հավատարմագրման 10 տիրույթներում։ Այցի օրերին փորձագետները հանդիպումներ կունենան քոլեջի վարչական ղեկավարության, դասախոսական կազմի, որակի պատասխանատուների, ինքնավերլուծություն իրականացրած խմբի, ուսանողների, ուսանողական կառույցների, շրջանավարտների և գործատուների հետ, կդիտարկեն ռեսուրսները, կուսումնասիրեն փաստաթղթերը։
Այցից հետո փորձագետները կմատնանշեն քոլեջի ուժեղ և թույլ կողմերը, բարելավման ուղղությամբ խորհրդատվություն կմատուցեն։ Քոլեջն էլ, փորձագետների խորհրդատվության հիման վրա, կկազմի թերությունների վերացման ծրագիր։
Հավատարմագրման մասին որոշումը կայացնելու է Հավատարմագրման հանձնաժողովը՝ հիմնվելով քոլեջի ինքնավերլուծության, փորձագիտական զեկույցի և ուսումնական հաստատության՝ թերությունների վերացման ծրագրի վրա։
Նշենք, որ Վարդենիսի բժշկա-հումանիտար քոլեջի փորձագիտական խմբի ղեկավարն է Ոստիկանության կրթահամալիրի որակի պատասխանատու Տիգրան Խաչատրյանը։ Խմբի մյուս անդամներն են Մեհրաբյանի անվան բժշկական քոլեջի որակի պատասխանատու Վահե Բաբայանը, Արմավիրի պետական ինդուստրիալ-մանկավարժական քոլեջի դասախոս Ռոզա Հարությունյանը և Հայկական բժշկական ինստիտուտի ուսանողուհի Նելլի Կարապետյանը։
Գործընթացը համակարգում է Մասնագիտական կրթության որակի ապահովման ազգային կենտրոնի Քաղաքականության մշակման և իրականացման բաժնի ավագ մասնագետ Լիլիթ Զաքարյանը։
Նմանատիպ նյութեր
924 դիտում
17:26 25-05-2015
Մանկավարժական համալսարանն ինստիտուցիոնալ հավատարմագրում է անցնում
1048 դիտում
15:44 10-05-2016
ԳԱԱ գիտակրթական միջազգային կենտրոնն ինստիտուցիոնալ հավատարմագրում է անցնում
734 դիտում
16:25 16-05-2016
ԵԹԿՊԻ-ն ինստիտուցիոնալ հավատարմագրում է անցնում
Այս բաժնից
256 դիտում
19:01 28-03-2024
«Արտավազդ» ամենամյա մրցանակաբաշխությունն իրականացվեց «Գագիկ Ծառուկյան» բարեգործական հիմնադրամի հովանու ներքո
316 դիտում
18:50 28-03-2024
Փրկարար ծառայության տարածքային ստորաբաժանումները շարունակում են ուսուցողական միջոցառումները
286 դիտում
18:38 28-03-2024
Եվրոպական խորհրդի քաղաքական եւ անվտանգության հարցերով կոմիտեի անդամները կայցելեն Հայաստան