«Նեյմարը կավարտի կարիերան ՊՍԺ-ում, եթե չնվազեցնի իր պահանջները». Տեբաս
Լա Լիգայի նախագահ Խավիեր Տեբասը խոսել է ՊՍԺ-ի հարձակվող Նեյմարի՝ Իսպանիա հնարավոր վերադարձի մասին:
«Միշտ էլ կարևոր է ունենալ լավ ակտիվներ առաջնության արժեքը բարձրացնելու համար: Այնուամենայնիվ, Նեյմարն այնքան էլ կարևոր չէ:
Եթե նա վերադառնա, լավ է: Եթե ոչ, ես չեմ կարծում, որ դա անհրաժեշտ է, քանի որ մեր լիգան կշարունակի աճել:
Նեյմարը, նույնիսկ բոլոր խնդիրներով, աշխարհի երեք լավագույն խաղացողներից մեկն է: Լա Լիգայի համար շատ կարևոր կլիներ նրան նորից ձեռք բերելը, չնայած որ նա առանցքային դերակատար չէ Իսպանիայի առաջնության համար:
Նեյմարի նման խաղացողը լրացուցիչ ուշադրություն կգրավի այն երկրներում, որոնց համար նա կարևոր է, բայց նա լիգայի ամենակարևոր մասը չէ, ինչպես Կրիշտիանու Ռոնալդուն:
Բայց, օրինակ, Մեսսին վճռական դեր է խաղում: Նա Լա Լիգայի ժառանգությունն է: Մեսսին վճռական դեր է խաղում Լա Լիգայում, ի տարբերություն Նեյմարի և Ռոնալդուի:
Նրա վերադարձի չստացվելու պատճառը հենց նրա՝ ՊՍԺ տեղափոխվելն է: Դա շուկայից դուրս փոխանցում էր, որը հնարավոր դարձավ միայն մոլորությունների միջոցով:
Երբ գործարքը կատարվում է շուկայից դուրս, անհնար է կրկին իրագործել նույն գնով: Հաշվի առնելով շուկան՝ Նեյմարը կավարտի իր կարիերան Փարիզում, եթե նա չգնա աշխատավարձի կրճատման և չհամաձայնի ակումբի պահանջներին»,- ասել է Տեբասը:
Սիրարփի Աղաբաբյան
