Հունահռոմեական ոճի ըմբշամարտի ընտրանին ուսումնամարզական հավաք է անցկացնում Երևանում
ԵՐԵՎԱՆ, 9 ՄԱՅԻՍԻ, ԱՐՄԵՆՊՐԵՍ: Հունահռոմեական ոճի ըմբշամարտի Հայաստանի ընտրանին մայիսի 9-ից ուսումնամարզական հավաք է անցկացնում «Օլիմպավանում»:
«Արմենպրես»-ի հաղորդմամբ` այս մասին հայտնում է ֆեդերացիան: Գլխավոր մարզիչ Լևոն Ջուլֆալակյանի ենթակայությամբ ընտրանին կմարզվի մինչև մայիսի 23-ը, որից հետո ըմբիշները կմեկնեն Ղազախստան՝ մասնակցելու միջազգային մրցաշարի։
«Օլիմպավանում» այս օրերին հավաք է անցկացնում նաև հունահռոմեական ոճի երիտասարդական ընտրանին, որը նախապատրաստվում է հունիսի 3-9-ը Իսպանիայի Պոնտևեդրա քաղաքում կայանալիք Եվրոպայի առաջնությանը:
Ազատ ոճայինները ուսումնամարզական հավաքը կսկսեն մայիսի 18-ից՝ Ծաղկաձորում։ Վերջինս կտևի 2 շաբաթ։ Երիտասարդ ազատ ոճայինները մայիսի 5-18-ը հավաք են անցակցնում Հյուսիսային Օսիայում։
Բաժանորդագրվեք մեր ալիքին Telegram-ում