Ծնողները բանակցում են թուրքերի հետ՝ իրենց երեխաների դիերը գնելու կամ հետ բերելու համար. Ռուբեն Հովհաննիսյան. ՏԵՍԱՆՅՈՒԹ, Tert.am

Ծնողներն այս օրերին բանակցում են թուրքերի հետ՝ իրենց երեխաների դիակները գնելու կամ հետ բերելու համար։ Արդեն գիտեմ այդպիսի մարդկանց։ Այս մասին այսօր մշակույթի և արվեստի գործիչների քննարկման ժամանակ ասաց ռեժիսոր, բեմադրիչ Ռուբեն Հովհաննիսյանը, հայտնում է [url=https://www.tert.am/am/news/2021/01/23/Hovhannisyan/3504009?fbclid=IwAR0llsXPgYe_SX3GB1uIKIjr7xJaTsMeR4npdQGRWEKu6-uy7HuE0gDgReQ]Tert.am[/url]-ը: «Ինչքան մեղք ենք մենք։ I՞նչ է կատարվում, որ ծնողը գնա, ռուսի կամ չգիտեմ, թե ում միջնորդությամբ բանակցի թուրքի հետ և մտնի փոսի միջից ման գա իր երեխայի դիակը։ Այո, իշխանության վարած քաղաքականության արդյունքում մեր պարտությունը գրանցվեց»,-ասաց նա: Ռեժիսորի խոսքով՝ մեր պարտության հիմքում ընկած է այն, որ մեր թշնամին՝ թուրքը, դեռ տարիներ առաջ մեզ հետ խոսեց հայերենով։ Թուրքերը տարբեր միջազգային հարթակներում տարբեր լեզուներով փորձում էին հայերին հաղթել, նվաստացնել, հերքել ցեղասպանությունը։ «Ոչ մի ատյանում և ոչ մի լեզվով նրանց չէր հաջողվում մեզ հաղթել։ Թշնամին հասկացավ, որ մեզ կարող է միայն հաղթել՝ մեզ մասնատելով, մեզ հետ հայերեն խոսելով։ Նա խոսեց մեզ հետ հայերեն, նա մեզ մասնատեց, բաժանեց սև ու սպիտակի և այդպես հայերենով հիմքը դրվեց մեր պարտության»,-ընդգծեց Հովհաննիսյանը: Մանրամասները՝ տեսանյութում: