Blue Origin ընկերությունը YouTube-ում հրապարակել է New Shepard 3 համակարգի փորձությունների առաջին տեսանյութի ամբողջական տարբերակը: Հոլովակում 11 րոպեանոց թռիչքը նկարահանվել է Skywalker մանեկենի դիրքից, որը գտնվում է նույնանուն կապսուլայում, հաղորդում է Lenta-ն:

 «Ի տարբերություն նրա, դուք կկարողանաք անկշռության պայմաններում թռիչքի ժամանակ թողնել ձեր տեղը», - Twitter–ում տեսանյութը մեկնաբանել է ընկերության ղեկավար Ջեֆ Բեզոսը:

New Shepard-ը նախատեսված է սուբուղեծրային զբոսաշրջային թռիչքների համար: Համակարգի կապսուլան նախատեսված է 6 հոգու համար: