Լոս Անջելեսի հայ գործարարներից 280 հազար դոլարի օղի են գողացել (ՎԻԴԵՈ)

ԵՐԵՎԱՆ, 23 նոյեմբերի. /Նովոստի–Արմենիա/. Լոս Անջելեսի հայ գործարարներից 280 հազար դոլարի մոտ 7 հազար լիտր օղի են գողացել, հաղորդում է ktla.com–ը։

Ընկերության ներկայացուցիչ Արտ Ղուկասյանի խոսքով, գողերը ներխուժել են «Fog Shots» գործարան և տարել մոտ 280 հազար դոլարի ավելի քան 9 հազար շիշ ալկոհոլ։ Հանցագործները գողացել են նաև գործարանի ողջ գույքը։

«Հանցագործները չգիտեն` ինչ անել գողոնի հետ, քանի որ չի կարելի պարզապես գնալ խանութներով և վաճառել այն։ Բացի այդ, գողոնն անհնար է անցկացնել սահմանով կամ վաճառել զբոսաշրջիկներին վերահսկողության և շշերի վրա առկա շտրիխ կոդի առկայության պատճառով», – ասել է Ղուկասյանը` մտահոգություն հայտնելով, որ գողացված արտադրանքը կիրացվի երեխաների շրջանում։

Նա կասկածում է երեք հոգու, ովքեր մոտ երեք շաբաթ առաջ ներխուժել էին գործարան և ֆիքսվել տեսախցիկների կողմից։–0–