Մեկ օրում երկու ուժեղ հրդեհ է բռնկվել «Դիլիջան» ազգային պարկում

ԵՐԵՎԱՆ, 25 մարտի. /Նովոստի-Արմենիա/. Մեկ օրում երկրորդ ուժեղ հրդեհն է բռնկվել «Դիլիջան» ազգային պարկում:

Ինչպես հայտնում է Հայաստանի ԱԻՆ մամուլի ծառայությունը նախօրեին ժամը 20:21-ին տեղեկություն է ստացվել, որ Տավուշի մարզի «Դիլիջան ազգային պարկ» պետական ոչ առևտրային կազմակերպության տարածքում:

Դեպքի վայր մեկնած մարտական հաշվարկը պարզել է, որ հրդեհը բռնկվել է «Դիլիջան ազգային պարկ» պետական ոչ առևտրային կազմակերպության 2-րդ պահաբաժնի «Ջիլուտ թալա» կոչվող հանդամասում:


Հրդեհը մեկուսացվել է ժամը 21:34-ին, մարվել՝ 21:45-ին:

Այրվել են մոտ 2,7 հա բուսածածկ տարածք, 17 ծառ, կոճղեր և ծառի ճյուղեր:

Հաղորդման համաձայն, հրդեհաշիջման աշխատանքներին մասնակցել են «Դիլիջան ազգային պարկ» պետական ոչ առևտրային կազմակերպության 6 աշխատակից: -0-