Մանհեթենում Christie’s աճուրդի տունը տիրանոզավրի կմախք վաճառքի կհանի, գրում է The New York Times- ը:
Նշվում է, որ դա տիրանոզավրի առավել ամբողջական կմախքներից մեկն է՝ 188 ոսկորով: Սիրողական հնէաբան Սթեն Սեքրիսոնը այն հայտնաբերել է 1987 թ.-ին՝ Հարավային Դակոտայում պեղումների ժամանակ: Փորձագետների կարծիքով՝ տիրանոզավրիի քաշը 7-8 տոննա է եղել, իսկ նրա ատամներն ավելի քան 27 սմ երկարություն են ունեցել:
1997 թ.-ին կմախքը աճուրդում վաճառվել է Չիկագոյի Բնության պատմության թանգարանին՝ 8,36 միլիոն դոլարով: Ըստ թերթի, առաջիկա աճուրդում այդ գումարը կարող է ավելի բարձր լինել: