Հեռուստադիտողն արդեն կարող է դիտել ռեժիսոր Դավիթ Զոհրաբյանի «Վերջին գործարք» նոր՝ 24 մասից բաղկացած քրեական դրաման, որտեղ իր մասնակցությունն ունի նաեւ դերասանուհի Օլյա Հակոբյանը: NEWS.am STYLE-ի հետ զրույցում Օլյան բացահայտել է կերպարային որոշ մանրամասներ եւ նշել, թե ինչու է այս ֆիլմաշարի հերոսուհին իրեն առավել մոտ:
«Մարմնավորում եմ մի աղջկա, որը Ռուսաստանից Հայաստան է ժամանել մի քանի օրով՝ իր քավորի հրավերով, որպեսզի մասնակցի մի խոշոր գործարքի եւ առեւանգի թանկարժեք վզնոցը: Կերպարիս անունը Լենա է, նա ռադիո եւ վիդեո տեխնիկայի մասնագետ է: Կերպարը տարբերվում է նրանով, որ թվացյալ վատ շրջապատում է եւ պետք է գողություն անի, սակայն ավելի ուշ կպարզվի, թե որոնք են եղել դրդապատճառները, որ նա համաձայնել է նման սեւ գործի»:
Օլյան խոստովանում է՝ առաջին անգամ կերպարին ծանոթանալուց հետո միանգամից սիրել է Լենային եւ ցանկացել մարմնավորել նրան.
«Շատ հետաքրքիր կերպար է… Հարազատ է երեւի այն առումով, որ նա, ինչպես եւ ես, հանձնվել կամ խեղճանալ չի սիրում»:
Դերասանուհուն նախ գրավել է ֆիլմաշարի սցենարը, այնուհետեւ անձնակազմի հետ շփվելով հասկացել է, որ անպայման պետք է նկարահանվի ֆիլմում.
«Շատ սիրեցի բոլորին. հրաշալի մարդիկ, ջերմ մթնոլորտ, պրոֆեսիոնալ անձնակազմ: Ի դեպ, նկարահանումն արվել է բավականին էքստրեմալ պայմաններում, որտեղ շոգ էր, փոշոտ, կային մրջյուններ, կարիճներ, բայց, միեւնույն է, աշխատանքից մեծագույն հաճույք ստացա եւ մեծ սիրով կրկին կաշխատեմ նույն անձնակազմի հետ»:
Ֆիլմում Օլյայի հիմնական խաղընկերներն են Ջոն Մակարյանը, Կառլոս Մուրադյանը, Արթուր Պետրոսյանը, Մակար Գալստյանը եւ Հայկ Դուրգարյանը:
«Նրանց հետ միասին մոտ 15 օր Էջմիածնում ենք ապրել եւ աշխատել :) Սցենարային շատ փակագծեր չեմ ցանկանում բացել, ամեն սերիայի հետ հետաքրքիր պատմություններ կբացահայտվեն: Ավելի լավ է՝ հեռուստադիտողն ինքը տեսնի, թե ով ում հետ ինչ կապ ունի»,-եզրափակեց դերասանուհին:
Սյունե Առաքելյան
Լուսանկարները՝ Օլյա Հակոբյանի Facebook-ի էջից
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը