Սիլվա Հակոբյանի դուստրը՝ Միլան, օրեր առաջ դարձել է 3 տարեկան: Տոնական օրվա լուսանկարները երգչուհին տրամադրել է BRAVO.am-ին, նաեւ խոսել ենք ապագա բալիկի եւ նոր տեսահոլովակի մասին:
«Տարեդարձին ամեն ինչ կազմակերպել էինք իր ցանկությամբ եւ իր սիրելի գույների մեջ: Հյուր էին եկել մուլտհերոսներ, եւ մանկական շոու-ծրագրից անմասն չմնացինք նաեւ մենք: Բարձր տրամադրություն ուներ, ոգեւորված էր ամեն ինչով: Մեր նպատակն իր օրը տոն դարձնելն էր, ինչը ստացվեց: Այնքան հագեցած ու ուրախ անցավ, որ տունդարձի ճամփին ուժասպառ քնեց»,- պատմել է Սիլվան:
Շուտով երգչուհին նոր տեսահոլովակ կներկայացնի, որը նկարահանվել է «Տուկ-տուկ» երգի հիման վրա. «Հեղինակը քույրս է, գործիքավորել է եղբայրս, իսկ ռեժիսորը Կարեն Ստեփանյանն է: Կարծում եմ՝ մինչեւ ամսվա վերջ պատրաստ կլինի»:
Երգչուհու երկրորդ բալիկը կծնվի սեպտեմբերին. «Անունն արդեն որոշել ենք՝ Սառա: Միլան շատ է սպասում: Արդեն որոշում է, թե ինքը որտեղ պետք է քնի, քույրը` որտեղ: Հուսով եմ՝ շատ չի խանդի, եւ լավ ընկերուհիներ կդառնան»:
Տեքստը՝ Արեւիկ Իսաջանյանի/Bravo.am/
Լուսանկարները՝ Սիլվա Հակոբյանի անձնական արխիվից
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: