«Բարսելոնա»-ն Ռակիտիչի գոլի շնորհիվ հաղթեց «Ատլետիկ»-ին
01:57, 24 Հունիս 2020
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Կատալոնական «Բարսելոնա»-ն հաղթանակ տոնեց Լա լիգայի 31-րդ տուրում:
«Արմենպրես»-ի հաղորդմամբ` «Կամպ Նոու» մարզադաշտում հյուրընկալելով Բիլբաոյի «Ատլետիկ»-ին «Բարսելոնա»-ն երկու խաղակեսերում ունեցած առավելությունը գոլի վերածեց միայն 71-րդ րոպեին: Ստանալով Մեսիի փոխանցումը` գոլի հեղինակ դարձավ Ռակիտիչը:
Այս հաղթանակից հետո «Բարսելոնա»-ն մրցաշարային աղյուսակի առաջատարն է 68 միավորով, սակայն «Ռեալ»-ը մեկ հանդիպում քիչ է անցկացրել: Զիդանի թիմը իր հանդիպումը կանցկացնի հունիսի 25-ին: Բիլբաոյի «Ատլետիկ»-ը 10-րդն է մրցաշարային աղյուսակում:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում