Բողոքի ակցիայի հետևանքով տուժածները դուրս են գրվել հիվանդանոցից: Այս մասին ֆեյսբուքյան իր էջում տեղեկացրել է ԵՊԲՀ աշխատակազմի ղեկավար Շուշան Դանիելյանը:
Մաշտոցի պողոտայի բողոքի ակցիայի ընթացքում տուժածները՝ ոստիկանության աշխատակիցը և քաղաքացին, անհրաժեշտ բոլոր հետազոտություններն անցել են, և ստանալով ամբուլատոր բժշկական օգնություն, դուրս են գրվել Հերացի համալսարանական հիվանդանոցից:
Հիշեցնենք, որ այսօր՝ ժամը 14:00-ի սահմաններում, Մաշտոցի պողոտայում բողոքի ակցիայի ընթացքում արձանագրված միջադեպի հետևանքով 1 ոստիկան և 1 քաղաքացի տեղափոխվել էին Հերացի թիվ 1 համալսարանական հիվանդանոց:
Ոստիկանության աշխատակիցը /Ա. Կ. 1992 թվականի ծնված/ ստացել է գլխի շրջանի վնասվածք, իսկ մյուս քաղաքացին/Հ. Ս. 1953 թվականի ծնված/՝ գոտկային շրջանի վնասվածք:
