ԱՄՆ-ի Սենթ Լուիս քաղաքում ընթացող «Սինքֆիլդի գավաթ» սուպերմրցաշարում օգոստոսի 20-ին կանցկացվեն երրորդ տուրի պարտիաները:
Հայկական շախմատի առաջատար Լեւոն Արոնյանը սպիտակներով կխաղա աշխարհի չեմպիոն Մագնուս Կարլսենի հետ: Տուրի բոլոր պարտիաները կմեկնարկեն Երեւանի ժամանակով 22:00-ին:
Նախորդ 2 տուրերում Արոնյանը սպիտակներով հաղթել է ռուսաստանցի Սերգեյ Կարյակինին ու սեւերով ոչ ոքի խաղացել ԱՄՆ-ը ներկայացնող Ֆաբիանո Կարուանայի հետ: Հայ գրոսմայստերն ունի 1.5 միավոր եւ Մագնուս Կարլսենի ու ադրբեջանցի Շաքրիյար Մամեդյարովի հետ գլխավորում է մրցաշարային աղյուսակը:
Հիշեցնենք, որ «Սինքֆիլդի գավաթը» Grand Chess Tour-ի չորրորդ փուլն է:
«Սինքֆիլդի գավաթ», երրորդ տուր
Լեւոն Արոնյան (Հայաստան) - Մագնուս Կարլսեն (Նորվեգիա)
Շաքրիյար Մամեդյարով (Ադրբեջան) - Ֆաբիանո Կարուանա (ԱՄՆ)
Սերգեյ Կարյակին (Ռուսաստան) - Վիշվանաթան Անանդ (Հնդկաստան)
Հիկարու Նակամուրա (ԱՄՆ) - Ալեքսանդր Գրիշչուկ (Ռուսաստան)
Մաքսիմ Վաշյե-Լագրավ (Ֆրանսիա) - Ուեսլի Սո (ԱՄՆ)
Հետևեք NEWS.am SPORT-ին Facebook-ում, Twitter և Telegram-ում