20957 դիտում
17:32 01-01-2020
Երեւանում բախվել են 58-ամյա վարորդի Opel-ն ու 24-ամյա վարորդի մոտոցիկլը. վերջինս կողաշրջվել է, կան վիրավորներ. ՖՈՏՈՌԵՊՈՐՏԱԺ
Երեկ՝ դեկտեմբերի 31-ին, մոտոցիկլի եւ ավտոմեքենայի բախում է տեղի ունեցել Երեւանում:
Ժամը 18:00-ի սահամններում Բաղրամյան պողոտայի 84/1 հասցեի դիմաց բախվել են Երեւան քաղաքի Շահումյան փողոցի բնակիչ, 58-ամյա Լեւոն Բաղոյանի վարած Opel մակնիշի 26 DP 401 համարանիշի եւ Երեւան քաղաքի բնակիչ, 24-ամյա Էդուարդ Ալեքսանյանի վարած «Hayasa» մակնիշի AS 273 hամարանիշի մոտոցիկլը:
Ինչպես հայտնում է ֆոտոլրագրող Գագիկ Շամշյանը, բախման հետեւանքով մոտոցիկլը կողաշրջվել է, իսկ մոտոցիկլավար Է. Ալեքսանյանն ու նրա ուղեւոր, Երեւան քաղաքի բնակիչ, 22-ամյա Դավիթ Ազիզբեկյանը մարմնական վնասվածքներով տեղափոխվել են թիվ 1 համալսարանական հիվանդանոց:
Դեպքի վայր են ժամանել Երեւանի ճանապարհային ոստիկանության ծառայողները:
Դեպքի մասին Երեւանի ՃՈ օպերատիվ կառավարման կենտրոնի պատասխանատու հերթապահ Արշակ Գրիգորյանը տեղեկությունը փոխանցել է ՃՈ հետաքննչական բաժանմունք, որտեղից ժամանել է հերթապահ խումբը՝ բաժանմունքի պետ Խաչիկ Սամվելյանի, ավագ հետաքննիչ Գեղամ Ծառուկյանի գլխավորությամբ։
Փաստի առթիվ Գ. Ծառուկյանի կողմից նյութեր են նախապատրաստվում:
Լուսանկարները՝ Յուրա Գաբրիելյանի
[color=#CC0000]Ծանուցում.[/color] Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ԼՈՒՍԱՆԿԱՐՆԵՐ 7+
7+
Նմանատիպ նյութեր
33879 դիտում
20:18 09-04-2020
Երևանում բախվել են Opel-ն ու Yamaha մոտոցիկլը. մոտոցիկլը կողաշրջվել է. կա վիրավոր. ՖՈՏՈՌԵՊՈՐՏԱԺ