Իրանում բողոքի ցույցերի ժամանակ տեղի ունեցած խռովությունների հետեւանքով 12 մարդ է զոհվել: Այս մասին հաղորդում է իրանական պետական հեռուստատեսությունը, փոխանցում է «Ինտերֆաքս»-ը:
Համաձայն տվյալների՝ կիրակի երեկոյան անվտանգության ուժերի հետ բախման արդյունքում զոհվել է 10 մարդ: Շաբաթ օրը եւս երկու մարդ էր զոհվել:
Բացի այդ, իրանական պաշտոնական լրատվամիջոցները հաղորդել են, որ անվտանգության ուժերը խափանել են ոստիկանության բաժիններն ու ռազմակայանները վերահսկողության տակ վերցնելու ցուցարարների մի քանի փորձ: Սակայն, ըստ լրատվամիջոցների, այդ ցուցարարները զինված են եղել։
Ցույցերը սկսվել են անցյած շաբաթ: Մասնակիցները բողոքում են ստեղծված ծանր տնտեսական իրավիճակից, ինչպես նաեւ երկրի ղեկավարության դեմ: Իրանի նախագահ Հասան Ռուհանին կոչ է արել հայրենակիցներին հանգստություն պահպանել:
Երկուշաբթի IRNA գործակալությունը մեջբերել է Իրանի խորհրդարանի արտաքին քաղաքականության եւ ազգային անվտանգության կոմիտեի ղեկավար Ալաեդդին Բորուջերդիի, որն ենթադրում է, որ բողոքի ցույցերը մասնակիորեն հրահրում են արտասահմանում իսլամական հեղափոխության թշնամիները: «Ցույցերի մի մասը արտասահմանյան տարրերի աշխատանքի արդյունքն է, որոնք դեմ են իսլամական հեղափոխությանը»,-ասել է նա:
Բորժերդիի խոսքով՝ հենց այդ պատճառով է, որ անկարգությունները արագորեն տարածվոել են ամբողջ երկրով մեկ: