ՀՀԿ–ն քննարկել է Սերժ Սարգսյանի թեկնածությունը վարչապետի պաշտոնում, այլ թեկնածություն չկա

20:59

11 Ապրիլի 2018

ԵՐԵՎԱՆ, 11 ապրիլի./Նովոստի–Արմենիա/. Հայաստանի հանրապետական կուսակցությունը քննարկել է Հայաստանի երրորդ նախագահ Սերժ Սարգսյանի թեկնածությունը վարչապետի պաշտոնում։ Այդ մասին ՀՀԿ գործադիր մարմնի նիստի արդյունքներով հայտարարեց Հայաստանի ԱԺ փոխխոսնակ, ՀՀԿ գործադիր մարմնի անդամ Էդուարդ Շարմազանովը։

Ապրիլի 9–ին Կարեն Դեմիրճյանի անվան մարզահամերգային համալիրում անցկացվեց երկրի Ազգային ժողովի հատուկ նիստ, որի ընթացքում կայացավ Հայաստանի չորրորդ նախագահ Արմեն Սարգսյանի երդմնակալության հանդիսավոր արարողությունը։ Նա դարձավ Հայաստանի առաջին նախագահը, ով ընտրվեց խորհրդարանի կողմից երկրի` խորհրդարանական իշխանավարմանն անցնելուց հետո։

Շարմազանովը նաև հայտնեց, որ նիստի ընթացքում կառավարության` պաշտոններում նշանակումների հարցեր չեն քննարկվել։

Загружается новость ... "Право"

Հայաստանում 2015 թվականին ընդունված բարեփոխումներից հետո երկիրն անցավ խորհրդարանական իշխանավարման, որի հիմնական փուլն ավարտվեց ապրիլի 9–ին, երբ Արմեն Սարգսյանը ստանձնեց պաշտոնը։ Նույն օրը դադարեցվեցին Հայաստանի նախագահ Սերժ Սարգսյանի լիազորությունները, իսկ կառավարությունը հրաժարական տվեց։

«ՀՀԿ–ի գործադիր մարմնի նիստում քննարկել և միաձայն ընդունել ենք Հանրապետական կուսակցության ղեկավարի առաջին տեղակալ Կարեն Կարապետյանի առաջարկությունը։ Սակայն տվյալ առաջարկությունն ինստիտուցիոնալացվել է շաբաթ օրը ՀՀԿ խորհրդի նիստում, երբ պաշտոնապես կառաջադրվի մեր կուսակցության թեկնածուն»,– ասաց Շարմազանովը։
ՀՀԿ խմբակցությունը երկուշաբթի պաշտոնապես կներկայացնի կուսակցության խորհրդի կողմից հաստատված թեկնածությունն ԱԺ–ին։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#ՀՀԿ #թեկնածու #ԳՄ #նիստ #Շարմազանով

Թեմատիկ նյութեր