Զորավարժությունները տեղի են ունենում Ադրբեջանի կողմից սանձազերծած վերջին ագրեսիայի ֆոնին

«Եթե իմ հիշողությունը չի դավաճանում, սա առաջին անգամը չէ, որ ադրբեջանաթուրքական համատեղ զորավարժություններ են տաղի ունենում Նախիջևանում։ Ուղղակի սրանք տեղի են ունենում Ադրբեջանի կողմից հանցազերծած վերջին ագրեսիայի ֆոնին, հատկապես Թուրքիայից հնչող բավականին ապակառուցողական ագրեսիան խրախուսող, քաջալերող հայտարարությունների համատեքստում։ Եվ բնականաբար ևս մեկ անգամ գալիս է փաստելու այն, ինչի մասին խոսում էինք շարունակաբար, որ Ադրբեջանը և Թուրքիան առաջնահերթ են դասում էթնիկ գործոնը տարածաշրջանում իրենց համար խնդիրներ լուծելու տեսանկյունից։ Եվ այստեղ բավական հետաքրքիր իրավիճակ ենք ստանում նաև Էրդողանի հնչեցրած վերջին հայտարարությունների ֆոնին, Բաքվի հակահայկական ցույցերի ֆոնին» , – «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Տաթևիկ Հայրապետյանը՝ անդրադառնալով թուրք-ադրբեջանական զորավարժություններին։