ԵՐԵՎԱՆ, 25 հուլիսի, /Նովոստի–Արմենիա/. Ռուսաստանաբնակ հայազգի դիզայներ Վարդուհի Նազարյանը Երևանի Սերգեյ Փարաւջանովի տուն–թանգարան այցելուցունից տպավորված` ստեղծել է գարուն–ամառ 2018 հավաքածու։
Ինչպես գրում է ռուսական "L'OFFICIEL" ամսագիրը, նոր ծովային հավաքածուի ստեղծման գաղափարը դիզայների մոտ ծագել է 2013 թ–ին, երբ նա Երևանում այցելել է Փարաջանովի տուն–թանգարան, և տեսել 1978 թ–ի «Կրեպ դե ջինի» նմուշները»։
«Իմ կյանքը բաժանվել է մինչև տեսածն ու տեսածից հետոյի։ Սակայն պահանջվեց մոտավորապես 3 տարի, որ ես կարողանամ գիտակցաբար օգտագործել նրա ժառանգությունը` ստեղծելով իմ զգեստները։ Հավաքեմ շիֆոնի և նուրբ մետաքսի բոլոր օրինակները, որ իմ մոտ կուտակվել էր վերջին 10 տարիների ընթացքում»,– պատմել է Նազարյանը։
Նա խոստովանել է, որ աշխատել է «աղբի» հետ, որոնք մոդելավորողները սովորաբար դեն են նետում։
«Սկզբում զիգզագ մկրատով շիֆոնե թերթիկներ ենք կտրել (որ ծայրերը չքանդվեն), հետո ինձ անհրաժեշտ հաջորդականությամբ դրանք շարում էի սովորական սպիտակ բամբակյա կտորի վրա, ինչից հետո ճիշտ այդ հերթականությամբ դերձակները շիֆոնային թերթիկները կարում էին կտորի վրա», պատմել է դիզայները։
Ինչպես խոստովանել է Նազարյանը, նա երկար ժամանակ երկմտում էր հավաքածուի որոշ դետալների ստեղծման հարցում, այդ պատճառով մտորումները տևեցին 8 ամիս։
Загружается новость ... "Лево"
«Շիֆոնի թերթիկներից այդ արտադրանքը մենք սկսել էինք անել դեռ 2016 թ–ի սեպտեմբերին, ես այդ ժամանակ մի փոքր երկմտության մեջ էի, մի կողմ նետեցի, որ չտեսնեմ, հետո նորից շարունակեցի քորոցնեով ամրացնել թերթիկները, որպեսզի դերձակները կարեն դրանք։ Եվ այդպես 8 ամիս։ Ըստ էության` Փարաջանովն «օգնեց» սովորել աղբից զգեստներ կարել»,–ասել է նա։
Հավաքածուն կատարված է բեժի մարմնագույն երանգներով, վարդագույնով, վառ նարնջագույնի և վարդագույնի դետալներով, որոնք դիզայներն ընտրել է` ոգեշնչվելով գերմանացի գեղանկարիչ Պաուլ Կլեեի աշխատանքներից։
Հավաքածուի լուքբուքում Նազարյանը որոշել է լուսանկարել իր ընկերուհուն` ճարտարապետ Յուլիա Արդաբևսկայային։ Դիզայների խոսքով, իրեն ոչ թե մոդելային արտաքին էր պետք է, այն բնավորություն։
Դիզայներ Վարդուհի Նազարյանը դպրոցը Հայաստանում է ավարտել, ինչից հետո ընդունվել է Մոսկվայի մոդելավորման և տեխնոլոգիաների համալսարան։ Իր համանուն բրենդը` Vardoui Nazarian, ստեղծել է 2007 դեկտեմբերին։ Նազարյանն իր տարբերանշանի համար ընտրել է հին հայկական հեքիաթային թռչնին` հազարան բլբուլին։ Դիզայները հաճախ է կիրաում ներշնչման անսովոր աղբյուրներ` Հայաստանի յուրօրինակ ճարտարապետությունը։ -0-
