211652_close_icon
views-count6771 դիտում article-date 23:53 11-01-2019

Փաստաբանի մեքենայի վրա թքողը պետք է ձերբակալվի եւ օրենքի ողջ խստությամբ պատժվի․ Ստեփան Դանիելյան

Եթե փաստաբանի մեքենայի վրա թքողը չձերբակալվի եւ օրենքի ողջ խստությամբ չպատժվի, ապա դա նշանակում է, որ ապրիլին տեղի ունեցած գործընթացը ոչ թե իշխանափոխություն էր, այլ ակցիա ընդդեմ պետականության: Այս մասին իր ֆեյսբուքյան էջում գրառում է կատարել քաղաքագետ Ստեփան Դանիելյանը։ «Պետությունը եւ օրենքը նույնական հասկացություններ են: Եթե չկա օրենք, չկա եւ պետություն: Դատական պրոցեսը պետության հիմնաքարային գործընթացն է: Թքել այդ գործընթացի դերակատարների վրա, նշանակում է թքել պետության վրա: Դա պետություն հասկացության դեմ կատարված հրապարակայիn-ցուցադրական ակցիա է: Եթե փաստաբանի մեքենայի վրա թքողը չձերբակալվի եւ օրենքի ողջ խստությամբ չպատժվի, ապա դա նշանակում է, որ ապրիլին տեղի ունեցած գործընթացը ոչ թե իշխանափոխություն էր, այլ ակցիա ընդդեմ պետականության: Սպասենք եւ տեսնենք, արդյոք Հայաստան կա իշխանություն, որը կատարում է իր հիմնական գործառույթը, թե ոչ: Եթե չկա, ապա պետք է պետության վերականգնման շարժում սկսել»,-գրել է նա: Հիշեցնենք, որ Մանվել Գրիգորյանի փաստաբան Արսեն Մկրտչյանը հայտնել էր, որ Վերաքննիչ դատարանի մոտ կայանված իր մեքենայի վրա թքել են ու հեղուկ շփել, որը, նրա պնդմամբ, տեղի է ունեցել մոտ 50 ոստիկանի ներկայությամբ։

Նմանատիպ նյութեր