«Մանչեսթեր Սիթի»-ն և «Ռեալ»-ը Չեմպիոնների լիգայի կիսաեզրափակիչում են
08:48, 15 Ապրիլ 2021
ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: Ֆուտբոլի Չեմպիոնների լիգայում կայացել են քառորդ եզրափակչի պատասխան խաղերը:
«Արմենպրես»-ի հաղորդմամբ` անգլիական «Մանչեսթեր Սիթի»-ն հյուրընկալվեց Դորտմունդի «Բորուսիա»-ին և առավելության հասավ 1:2 հաշվով: «Քաղաքայինների» կազմում աչքի ընկան Ռիյադ Մահրեզը և Ֆիլ Ֆոդենը: Դորտմունդյան ակումբի միակ գոլը խփեց Ջուդ Բելինգհեմը:
Օրվա մյուս խաղում` «Լիվերպուլ»-«Ռեալ», դարպասի գրավում չարձանագրվեց: Թիմերի առաջին խաղում հաղթել էր «Ռեալ»-ը:
Չեմպիոնների լիգայի կիսաեզրափակիչ դուրս եկան «Ռեալ»-ը և «Մանչեսթեր Սիթի»-ն: Նախօրեին ՉԼ հաջորդ փուլի ուղեգիր նվաճել էին նաև «Չելսի»-ն և ՊՍԺ-ն:
Բաժանորդագրվեք մեր ալիքին Telegram-ում