Հայաստանում 12 անձ Pegasus լրտեսող ծրագրի զոհ է դարձել26 մայիսի 2023 - 13:03 AMT PanARMENIAN.Net - Access Now-ի, CyberHUB-AM-ի, Citizen Lab-ի, Amnesty International-ի անվտանգության լաբորատորիայի և անկախ հետազոտող Ռուբեն Մուրադյանի համատեղ հետաքննությունը բացահայտել է, որ Հայաստանում 12 անձ NSO Group-ի Pegasus լրտեսող ծրագրի զոհ է դարձել։ 2020-ի հոկտեմբերից մինչև 2022 թվականի դեկտեմբեր Pegasus–ի թիրախ դարձած անձանց թվում են ՀՀ մարդու իրավունքների նախկին պաշտպանը, «Ազատություն» ռադիոկայանի հայկական ծառայության երկու լրագրող, ՄԱԿ-ի պաշտոնյա, ՀՀ ԱԳ նախարարության նախկին խոսնակ և Հայաստանի քաղաքացիական հասարակության 7 այլ ներկայացուցիչներ, հայտնում է Հանրային ռադիոն։ Անմիջական ապացույցները վկայում են, որ թիրախավորումը կապված է 44-օրյա պատերազմի հետ: Սա Pegasus լրտեսող ծրագրի օգտագործման առաջին փաստագրված դեպքն է հակամարտության համատեքստում: Հետաքննությունը սկսվել է այն բանից հետո, երբ Apple-ը 2021 թվականի նոյեմբերին օգտատերերին ծանուցումներ էր ուղարկել՝ նախազգուշացնելով, որ նրանք կարող են պետության կողմից հովանավորվող լրտեսող ծրագրերի թիրախ լինել: NSO Group-ը պնդում է, որ իրենց տեխնոլոգիաները բացառապես վաճառվում են կառավարություններին, ինչը հիմնականում համընկնում է հետազոտական խմբերի և հետաքննող լրագրողների նախկին բացահայտումների հետ: Հետազոտողները ևս կարծում են, որ այս գործողության հետևում կառավարություն է, բայց կոնկրետ պետություն չեն նշում։ Թիրախավորումը տեղի է ունեցել հայ-ադրբեջանական հակամարտության ժամանակ, և ժամկետները հուշում են, որ հենց պատերազմն է եղել թիրախավորման պատճառը։ Միևնույն ժամանակ, ըստ զեկույցի, կան էական ապացույցներ, որոնք վկայում են, որ Ադրբեջանի կառավարությունն օգտվում է Pegasus-ից, և թիրախները կարող էին հետաքրքրել Ադրբեջանին։ Pegasus-ը լայնորեն օգտագործվել է Ադրբեջանում՝ թիրախավորելու լրագրողների, քաղաքացիական հասարակության և քաղաքական ընդդիմադիր գործիչների լայն շրջանակի: Amnesty International իրավապաշտպան կազմակերպությունը հայտնում է, որ թիրախավորման համար ընտրվել է ավելի քան 1000 ադրբեջանական հեռախոսահամար և առնվազն 5–ը դարձել է ծրագրի զոհ: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Ըստ ՌԴ ԱԳՆ–ի՝ ԵՄ հետ առանց վիզայի ռեժիմը բացասաբար կազդի ՀՀ անվտանգության վրա Նշվել է, որ դա կնպաստի հեռանկար ունեցող երիտասարդների արտահոսքին Women in Business of Armenia կոնֆերանս՝ Visa-ի և EBRD-ի կազմակերպմամբ Պանելային քննարկմանը մասնակցել է նաև Evoca-ի Վարչության նախագահի տեղակալ Տաթևիկ Խաչատրյանը Ստանո․ Բլինքեն-Փաշինյան -Ֆոն դեր Լայեն հանդիպումը նվիրված չի լինելու «անվտանգության երաշխիքներին» ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու ՌԴ ԱԳՆ–ում կարծում են՝ 102–րդ ռազմաբազան ՀՀ ինքնիշխանության միակ երաշախավորն է Նշվել է, որ Արևմուտքը փոխարենը ոչինչ չի առաջարկում |