Այս ամռանը Nord Stream 2-ը սկսում է «Հյուսիսային հոսք-2» գազամուղի կառուցումը՝ անգամ չունենալով Դանիայի թույլտվությունը: Այս մասին Համաշխարհային գազի համաժողովում հայտարարել է ընկերության ֆինանսական տնօրեն Պոլ Քորկորը, հաղորդում է «Ինտերֆաքսը»:
«Եթե Դանիայի կառավարությունը հավանություն չտա իր տարածքային ջրերում գազատարի տեղադրմանը, մենք ստիպված կլինենք փոխել երթուղին, եւ առավել հավանական տարբերակը Դանիայի հյուսիսում գտնվող միջազգային ջրերն են», - ասել է նա:
Նրա խոսքով, ընկերությունը «հաջորդ շաբաթներին կամ ամիսներին» սպասում է Դանիայի թույլտվությանը: Միեւնույն ժամանակ, «Nord Stream 2» -ի ֆինանսական տնօրենը չի նշել, թե որքան ժամանակ կարող է սպասել ընկերությունը մինչեւ այլ երթուղու համար դիմում ներկայացնի:
Քորկորը վստահություն է հայտնել, որ եթե Դանիան չթույլատրի իր ջրերում «Հյուսիսային հոսք-2»-ի շինարարությունը, ապա միջազգային ջրերում տեղադրման համար անպայման թույլտվություն կտա: