«2018թ. բարդ տարի էր Իրանի իշխանությունների համար և՛ արտաքին, և՛ ներքին մարտահրավերների տեսանկյունից: Իրանական տարին դեռ չի ավարտվել, ավարտվում է մարտին, ուստի մինչև Նովրուզ հնարավոր են ներքին քաղաքական զարգացումներ՝ արտարժույթի հետ կապված պայմանավորված ֆինանսական գործընթացներով, թեև Իրանի իշխանություններին հաջողվեց կայունացնել արտարժույթի շուկան, բայց գործընթացներն այն հունով են գնում, որ շատ հնարավոր է հանգեցնի լարվածության»,-«Առաջին Լրատվական»-ի հետ զրույցում ասաց իրանագետ Արմեն Իսրայելյանը:
Նրա խոսքով՝ Իրանի իշխանությունները ներքաղաքական առումով ևս լուրջ խնդիրների առաջ կանգնեցին, ամռանը Հասան Ռոհանիի դեմ անվստահության գործընթաց սկսվեց, որը կանխվեց: Մեր զրուցակիցը նաև նշեց, որ մեծ հաշվով Ռոհանիի կառավարությանը հաջողվեց ապահովել կայունություն, որովհետև այնպիսի գործընթացներ տեղի ունեցան, որոնք կարող էին լուրջ խնդիրների հանգեցնել: Իսրայելյանի դիտարկմամբ 2018թ. անվտանգության ոլորտում ևս Իրանը բախվեց մի շարք մարտահրավերների:
Անդրադառնալով Իրանի դեմ ամերիկյան պատժամիջոցներին Իսրայելյանն ասաց, որ դրանք ամբողջությամբ իրենց նպատակին չեն հասել: Ինչ վերաբերում է հայ-իրանական հարաբերություններին, Իսրայելյանի կարծիքով՝ Հայաստանում տեղի ունեցած հեղափոխությունից հետո և՛ իրանական, և՛ հայկական կողմը կարողացան շատ արագ համախմբել երկկողմանի օրակարգի շուրջ: «Հայաստանի կառավարությունը շատ կարևոր ուղերձ հղեց իրանական կողմին, որ հյուսիս-հարավ ավտոմայրուղու շինարարությունը շարունակվելու է»,-հավելեց Իսրայելյանը:
Առավել մանրամասն՝ տեսանյութում