Հանրապետությունում 2017 թվականի հունվար-հունիսին գրանցվել է արտակարգ իրավիճակների 5 940 դեպք, ինչի հետևանքով տուժել է 5 014 մարդ` 149-ը զոհվել , 4 865-ը` վիրավորվել, իսկ 1 946-ը` ժամանակավորապես տարհանվել: Նախորդ տարվա համեմատ այս տարի արտակարգ իրավիճակների դեպքերի որոշակի աճ է նկատվել: 2016 թվականի հունվար-հունիսին Հայաստանում գրանցվել է արտակարգ իրավիճակի 5 101 դեպք , ինչի հետևանքով տուժել է 4 253 մարդ (139-ը զոհվել են, 4 114-ը` վիրավորվել), 2 787-ը` ժամանակավորապես տարհանվել: ՀՀ ազգային վիճակագրական ծառայության տվյալները, ուժեղ քամու, փոթորիկի, մրրիկի, պտտահողմի և փոշեփոթորիկի պատճառած վնասը 2017 թվականի հունվար-հունիս ամիսներին կազմել է 106 մլն դրամ, կարկուտինը՝ 5 390.3 մլն դրամ, վեգետացիոն շրջանում ցրտահարությանը՝ 116 մլն դրամ, հրդեհներից՝ 418.5 մլն դրամ:
2017 թվականի hունվար-հունիսին արտակարգ իրավիճակների վերացման աշխատանքների իրականացման նպատակով պատրաստվել և ուսուցանվել է արտակարգ իրավիճակներում բնակչության պաշտպանության համակարգի 1 252 աշխատակից: