Բասկետբոլի Ա լիգայում հաղթանակներ տարան «Ուրարտու»-ն և «Արագած»-ը
10:23, 17 Դեկտեմբեր 2019
ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի բասկետբոլի առաջնությունում կայացան մի քանի հանդիպումներ:
«Արմենպրես»-ի հաղորդմամբ` «Երևան»-ը ,մրցելով «Ուրարտու»-ի հետ, պարտություն կրեց 89:120 հաշվով: Այս խաղում հանդիպման ամենաարդյունավետ բասկետբոլիստ ճանաչվեց Էդիսոն Պարկը («Ուրարտու»), որը հավաքեց 32 միավոր, 7 անգամ տիրեց օղակից անդրադարձող գնդակին և կատարեց 1 արդյունավետ փոխանցում:
Մյուս խաղում «Արագած»-ը 110:83 հաշվով առավելության հասավ «Էրեբունի»-ի նկատմամբ: Հանդիպման ամենաարդյունավետ խաղացող ճանաչվեց Դի'Մար Հիլը («Արագած»), վաստակելով ընդհանուր առմամբ 29 միավոր, նա 4 անգամ տիրեց օղակից անդրադարձող գնդակին և կատարեց 5 արդյունավետ փոխանցում:
Բաժանորդագրվեք մեր ալիքին Telegram-ում