Ոստիկանության կազմակերպված հանցավորության դեմ պայքարի գլխավոր վարչության ԹԱՇԴՊՎ եւ Մալաթիայի բաժնի ծառայողների բացատրական աշխատանքների շնորհիվ, օգոստոսի 17-ին, ժամը 22.55-ին, բաժին է կամավոր ներկայացել 1975 թ. ծնված Նորայր Ք.-ն:
Ոստիկանությունից NEWS.am-ին հայտնում են, որ, նա 2012 թ. հոկտեմբերի 22-ից բաժնի կողմից հետախուզվում էր ՀՀ քրեական օրենսգրքի 325 հոդվածի (փաստաթղթեր, դրոշմներ, կնիքներ, ձեւաթղթեր, տրանսպորտային միջոցների հաշվառման համարանիշներ կեղծելը, իրացնելը կամ օգտագործելը) 1-ին մասի մեղադրանքով:
***
Ոստիկանության կազմակերպված հանցավորության դեմ պայքարի գլխավոր վարչության ԹԱՇԴՊՎ եւ Ստեփանավանի բաժնի ծառայողների օպերատիվ-հետախուզական միջոցառումների շնորհիվ, օգոստոսի 17-ին, ժամը 10.00-ին, Պուշկինո գյուղի կենտրոնական մասից բերման է ենթարկվել 1989 թ. ծնված Կարեն Գ.-ն, որը օգոստոսի 16-ից հետախուզում էր ՀՀ քրեական օրենսգրքի 147 հոդվածի (բնակարանի անձեռնմխելիությունը խախտելը) 1-ին եւ 2-րդ մասերի եւ 324 հոդվածի (փաստաթղթեր, դրոշմներ, կնիքներ հափշտակելը կամ վնասելը) 2-րդ մասի մեղադրանքներով՝ պատժի կրումից խուսափելու համար:
