1000х90.jpg (78 KB)

Երևանում՝ 11:07,   28 Մարտ 2024

Մենք կերտում ենք մեր պատմության ամենափայլուն էջերից մեկը. Հուսիկ Արան վստահ է՝ հաղթելու ենք

Մենք կերտում ենք մեր պատմության ամենափայլուն էջերից մեկը. Հուսիկ Արան վստահ 
է՝ հաղթելու ենք

ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Բանաստեղծ, արձակագիր Հուսիկ Արան տարիներ շարունակ գրել է հակապատերազմական ստեղծագործություններ: Նա պատերազմը սարսափելի արհավիրք է համարում, որն անվերադարձ խլում է սերունդների կյանքեր: Այնուամենայնիվ, բանաստեղծը վստահ է, որ հայկական բանակը, որի կազմում հզոր ու աննկուն ռազմիկներ են, հաղթելու է Ադրբեջանի և Թուրքիայի՝ Արցախի և Հայաստանի դեմ սանձազերծած պատերազմում, քանի որ հայերը կռվում են հանուն իրենց տան, ընտանիքի և հայրենիքի:

Հուսիկ Արան հիանում է հայ զինվորներով, որոնք քանակով զիջում են թշնամուն, բայց ջախջախում են նրանց ու ետ շպրտում:

«Արմենպրես»-ի թղթակցի հետ զրույցում բանաստեղծը հիշեցրեց, որ հինգերորդ սերնդի պատերազմ է մղվում՝ ամենաարդիական պատերազմը երկրի վրա: «Աշխարհը հետևում է պատերազմին, որ տեսնի, թե որ զենքն ինչ կիրառություն և ազդեցություն է ունենում: Զենքերը փորձարկվել են, բայց պատերազմում առաջին անգամ են օգտագործվում»,- ասաց գրողն ու շեշտեց, որ հայկական կողմը կռվում է մոտ 90 մլն-ի դեմ. Թուրքիան և Ադրբեջանը միասին 90 մլն են, և նրանց գումարվում են նաև վարձկանները, որոնք պատերազմելու մեծ փորձ ունեն:

Հուսիկ Արան նշեց, որ այս օրերին Արցախում թիրախավորվում են քաղաքները, գյուղերը, եկեղեցիները, խաղաղ բնակիչները, իսկ հակառակորդն ունի ամենաարդիական զենքերը: Նա կռվում է ընդամենը 150 հազար բնակչության բանակի դեմ և ոչ միայն չի կարողանում հաղթել, այլև ջախջախվում է ու ետ շպրտվում:

Գրողը համոզված է՝ Իլհամ Ալիևը չի դադարեցնում պատերազմը, քանի որ խայտառակվում է Ադրբեջանում: Ըստ գրողի՝ Ադրբեջանի ժողովուրդը հարցնելու է, թե ինչպե՞ս պատահեց, որ Թուրքիայի հետ պատերազմ սկսեց, բայց ոչնչի չի հասնում:

«Մենք այսօր գրում ենք մեր պատմության ոչ թե փայլուն էջերից մեկը, այլ ամենափայլուն էջը: Հակառակորդն օր-օրի պարտվում է: Չեմ ցանկանում խոսել նրանց ցեղախմբի մասին: Մենք նրանց գերուն ենք վիրահատում, իսկ նրանք… Դեռ 90-ականներին Մոնթե Մելքոնյանն իր զինվորին ստիպել է արյուն տալ՝ ադրբեջանցի վիրավոր ռազմագերուն փրկելու համար: Դա արժանապատիվ բարձրաստիճան զինվորականի պահվածք է. պետք է փրկել, հետո՝ դատել: Մենք այդպիսին ենք: Մենք չենք կարող հավասարվել տականքին: Ամբողջ աշխարհն է ապշած,  ամբողջ աշխարհն է նայում ու հասկանում, թե ինչ է կատարվում: Գուցե չեն բարձրաձայնում, և մենք էլ գուցե լիարժեք չենք ընկալում, թե իրականում ինչ ենք անում, ինչ զենքերի դեմ ենք կռվում ու չենք պարտվում, հաղթում ենք: Սա առասպելական հաղթանակ է, որի մասին հետագայում լեգենդներ են պատմելու»,-ընդգծեց Հուսիկ Արան:

Նա հավատացած է, որ դարեր ի վեր մեզ ուժեղ է դարձրել մեր կենսակերպը: «Մենք խաղաղասեր ենք, բայց շատ լավ ենք կռվում: Հայոց այրուձին է Պարսից արքունիքը պահել, Երկրորդ համաշխարհային պատերազմի ընթացքում հարյուրավոր հերոսներ ենք տվել: Որ պահին հայը զենքը ձեռքին կանգնել է հակառակորդի առաջ, չի պարտվել: Պատմության մեջ չկա նման դեպք: Խայտառակություն է եղել միայն Կարսի անկումը: Դա էլ՝ բոլշևիկների պատճառով»,- նշեց բանաստեղծը:

Անդրադառնալով հակառակորդին՝ Հուսիկ Արան ասաց, որ թշնամին տղամարդուց վախենում է և երբեք զինված տղամարդու առաջ չի կանգնում: Ըստ նրա՝ հակառակորդը սովոր է ծեր մարդկանց խոշտանգել, հարձակվել կանանց ու երեխաների վրա, հաշմանդամներին գնդակահարել, ստորացնել ռազմագերուն, բայց նա վախենում է զինված տղամարդուց:

«Մենք ելք չունենք, մենք պետք է հաղթենք: Աշխարհում արդարություն չկա. արդարությունը երկրի հզորությունն է որոշում: Հաղթում ենք և հաղթելու ենք: Մենք հզոր ենք, հզոր բանակ ունենք, էպոսի տղաներ են բոլոր հայ զինվորները»,-եզրափակեց գրողը:

Անժելա Համբարձումյան

 

 


Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]