Թուրքիայի հարավային Քիլիս նահանգի համանուն կենտրոնն ու Հաթայ նահանգի Ռեյհանլը քաղաքը կրկին հրթիռակոծման են ենթարկվել սիրիական Աֆրինի տարածքից։ Այս մասին հայտնել է Քիլիսի նահանգային վարչակազմը։
«Աֆրինի կողմից Քիլիսի ուղղությամբ հրթիռ է արձակվել, դրա անկման վայր են անհապաղ ժամանել արտակարգ ծառայությունները, ոչ ոք չի տուժել»,-ասվում է հաղորդագրությունում։
Սիրիական տարածքի շրջանի ուղղությամբ, որտեղից կատարվել էր հարձակումը, թուրքական հրետանին պատասխան կրակ է բացել։