Աշխատող iPhone 8-ը ցուցադրվել Է տեսանյութում
14:56, 5 Սեպտեմբեր 2017
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Ցանցում հրապարակվել Է աշխատող iPhone 8-ը ներկայացնող տեսանյութ: Հոլովակը զետեղված Է Weibo չինական սոցցանցում, ինչպես նաեւ Streamable տեսահոսթինգում: Այն կարող Էր տեսագրված լինել սմարթֆոնների արտադրության գործարանում:
Տեսանյութում ցուցադրված Է միացված iPhone՝ iOS-ի նոր տարբերակով: Նաեւ հոլովակի հեղինակը սմարթֆոնի վրա գործարկում Է հավելվածը:
Reddit-ի օգտատերերի մեծամասնությունն այն կարծիքին Է, որ տեսանյութը ֆեյք Է, քանի որ նկարահանված Է մութ վայրում:
Օգոստոսի 31-ին Apple կորպորացիան սկսել Է նորույթների շնորհանդեսի հրավերների առաքումը, որը կկայանա սեպտեմբերի 12-ին: Բացի iPhone 8-ից, մամուլի ասուլիսում, ենթադրաբար կներկայացնեն երկու այլ սմարթֆոններ՝ iPhone 7s-ը եւ 7s Plus-ը: Բացի դրանից, պլանավորվում Է LTE-մոդուլով Apple Watch նոր ժամացույցի, 4K եւ HDR պահիչով Apple TV-ի շնորհանդեսը: Նաեւ հանգամանորեն ներկայացվելու Է iOS 11-ը:
Բաժանորդագրվեք մեր ալիքին Telegram-ում