Կորոնավիրուսային շփոթից կարծես Հայաստանը դուրս է գալիս: «Գործ և արարի» ուշադրության կենտրոնում տնտեսությունն է:
«Մենք այսօր արդեն խոսում ենք մեգանպատակների մասին, ձևակերպվել է մինչև 2050թ. Հայաստանի զարգացման ռազմավարությունը… Բայց կանցնի երկու-երեք տարի, և մենք կտեսնենք, որ դրանք պարզապես հռչակումներ են, այդ ծրագրերը պետք է ամրագրված լինեն հստակ ֆինանսական, ռեսուրսային ապահովվածությամբ (նյութատեխնիկական, բնական և այլն), և ամենակարևորը՝ պետք է նաև տնտեսաիրավական կարգավորումներով ապահովված լինեն»,- նշեց ԵՊՀ տնտեսագիտության և կառավարման ֆակուլտետի դեկան, տնտեսագիտության դոկտոր, պրոֆեսոր, Հանրային խորհրդի անդամ Հայկ Սարգսյանը:
Տնտեսագետը վստահեցրեց՝ փող շատ կա և՛ աշխարհում, և՛ Հայաստանում: Նա նաև ընդգծեց, որ փողը հոսում է այնտեղ, որտեղ մեծ շահույթ կա:
Հայկ Սարգսյանի խոսքով՝ Հայաստանում ներդրումներ չկան տնտեսաիրավական կարգավորումների անհետևողականության պատճառով. «Ներդրումները պետք է պաշտպանված լինեն տարբեր ոտնձգություններից»:
Մանրամասն՝ տեսանյութում: