ԱՄՆ Թաֆթսի համալսարանի գիտնականները հանգել են այն եզրակացության, որ կյանքը երկարացնում ու վաղաժամ մահվան վտանգը նվազեցնում են այն վիտամիններն ու հանքանյութերը, որոնք պարունակվում են բուսական սննդում, այլ ոչ թե սննդային հավելումներում՝ տեղեկացնում է Live Science-ը։
Մասնագետները վերլուծել են ուսումնասիրության ընթացքում ձեռք բերված 20 տարին լրացած 27 հազար ամերիկացիների տվյալները: Հետազոտության ընթացքում կամավորները հայտնել են, թե ինչ են կերել վերջին 24 ժամվա ընթացքում են և արդյոք վերջին 30 օրվա ընթացքում օգտագործել են հավելումներ: Հարցվածների առողջական վիճակին հետևել են 6 տարի: Այս ժամանակահատվածում մահացել է 3.6 հազար մարդ, այդ թվում 945-ը սրտի հիվանդության և 805 քաղցկեղի պատճառով։
Պարզվել է, որ մագնեզիումի, կալիումի, վիտամին A- ի և K- ի, ցինկի և պղնձի բավարար քանակություն ընդունած մարդիկ, հազվադեպ են մահացել ի տարբերություն նրանց, ովքեր ստացել են ոչ բավարար քանակությամբ հանքային նյութեր:
Այնուամենայնիվ, ազդեցությունը նկատվում է միայն նրանց մոտ, ովքեր հանքանյութերը ստացել են սննդամթերքից, այլ ոչ հավելումներից: Բացի այդ, հավելումներից առաջացած կալցիումի ավելցուկը (օրական 1000 միլիգրամ) մեծացրել է քաղցկեղի առաջացման վտանգը։