ԵՐԵՎԱՆ, 3 ՀՈԿՏԵՄԲԵՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: 1935 թ. հոկտեմբերի 3-ին ծնվել է Արմեն Ջիգարխանյանը՝ խորհրդային եւ ռուսական կինոյի, թատրոնի, հեռուստատեսության հայազգի դերասան, թատերական մանկավարժ, թատրոնի ռեժիսոր։ ԽՍՀՄ ժողովրդական արտիստ (1985):

-           1968 թ. հոկտեմբերի 3-ին մահացել է Արման Կոթիկյանը՝  հայ դերասան, ՀԽՍՀ ժողովրդական արտիստ (1967), բանաստեղծ, թարգմանիչ:

-           1990 թ. հոկտեմբերի 3-ին Գերմանիայի Ֆեդերատիվ Հանրապետությունն ու Գերմանիայի Դեմոկրատական Հանրապետությունը միացան։

-           1895 թ. հոկտեմբերի 3-ին ծնվել է Սերգեյ Եսենինը՝ ռուս նշանավոր բանաստեղծ (մահ.՝ 1925 թ.):

-           1897 թ. հոկտեմբերի 3-ին ծնվել է Լուի Արագոնը՝ ֆրանսիացի գրող եւ քաղաքական գործիչ (մահ.՝ 1982 թ.):

-           1952 թ. հոկտեմբերի 3-ին Մեծ Բրիտանիան առաջին անգամ փորձարկում է միջուկային զենք՝ դառնալով երրորդ միջուկային տերությունը:

Մ. Ա.