 Կրաշեննիկով․ Ղարաբաղի պատերազմը ցույց տվեց Կովկասում Կրեմլի ազդեցության նվազումը 16 հոկտեմբերի 2020 - 11:55 AMT PanARMENIAN.Net - Լեռնային Ղարաբաղում մարտերի վերսկսումը ցույց է տալիս Կրեմլի արտաքին քաղաքական նկրտումների և ազդեցության իրական հնարավորությունների անհամապատասխանությունը։ Այս տեսակետին է քաղաքագետ Ֆեդոր Կրաշեննիկովը։ Deutsche Welle-ում հրապարակված նրա հոդվածում նշվում է, որ Ղարաբաղում պատերազմը ցույց տվեց Կովկասում Ռուսաստանի ազդեցության նվազումը։ Կովկասում նոր պատերազմը ստիպում է ևս մեկ անգամ մտածել, թե ինչքանով է Ռուսաստանն ազդեցիկ այս տարածաշրջանում, որը ավանդաբար համարում է իր պատասխանատվության գոտին: Երկար տարիներ Կրեմլը պնդում էր, թե ոչ միայն նախկին Խորհրդային Միության տարածքը, այլև նույնիսկ Կենտրոնական Եվրոպան պետք է դիտարկել որպես գոտի, որտեղ կարևորագույն քաղաքական որոշումները պետք է կայացվեն՝ հաշվի նստելով իր շահերի հետ։ Նշվում է, որ հուրախություն Կրեմլի, Հայաստանը դեռ չի դիմել ՀԱՊԿ-ին՝ օգնության խնդրանքով, եթե դիմի, կառույցի ապագան վտանգված է։ Քաղաքագետի խոսքով՝ ԼՂ հակամարտության կարգավորումը եղել և մնում է համաշխարհային քաղաքականության դժվարագույն խնդիրներից մեկը, որի լուծումը հնարավոր է միայն երկրների և միջազգային կազմակերպությունների լայն շրջանակի ներգրավմամբ, որոնք հակամարտող կողմերից որևէ մեկի նկատմամբ հատուկ պարտավորություններ չեն ունենա: Առանձնահատուկ խնդիր է նաև Թուրքիայի վրա ճնշում գործադրելը, ինչը տեսականորեն հնարավոր է ՆԱՏՕ-ի միջոցով։ Կրաշեննիկովը գրում է՝ թվում է, թե Արևմուտքի հետ հարաբերությունները փչացրած Ռուսաստանը չի կարող խաղաղություն պարտադրել հակամարտող կողմերին, և պատրաստ չէ, որ այլ երկրներ և միջազգային կազմակերպություններ ներգրավվեն դրանում: Ըստ քաղաքագետի՝ սկզբի համար անհրաժեշտ է առնվազն հասնել կայուն հրադադարի: Ոչ ոք չգիտի, թե որքան կտևի Կովկասում լարվածության նոր ալիքը, բայց որքան այս պատերազմը շարունակվի, այնքան ավելի ակնհայտ կլինի Ռուսաստանի ազդեցության անկումը տարածաշրջանում: Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։   Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր Ադրբեջանում ևս մեկ լրագրող է ձերբակալվել  Հոդվածն այն մասին էր, որ Ալիևը մասնակցում է օտարերկրյա դրամաշնորհների ապօրինի ստացմանըՔԿ. ԱՆ-ում և բուժհաստատություններից մեկում սկսված քննչական և վարութային գործողությունները դեռ շարունակվում են Հայտնի չէ, թե ինչ գործի շրջանակներում են իրականացվում գործողությունները և որ բժշկական կենտրոնումԼավրովը «լկտի» և «անպատկառ» է անվանել ԱՄՆ և ԵՄ գործողությունները, որոնք ուզում են «ՀՀ–ին պոկել Ռուսաստանից» Նա նաև ասել է, որ ՌԴ–ն ու ՀՀ–ն նախկինի պես դաշնակիցներ ենՊետդեպն ապատեղեկատվություն է անվանել Բրյուսելում ՀՀ-ի հետ ռազմական փաստաթուղթ ստորագրելու մասին պնդումները Նշել է, որ անվտանգային հարցեր օրակարգում չեն եղել |
