Լուսային նռնակներն այլեւս ոստիկանության կողմից խաղաղ ցուցարարների նկատմամբ չեն կիրառվի: Այս մասին Facebook-ի էջում ուղիղ եթերում հայտնել է Ազգային ժողովի «Ելք» խմբակցության պատգամավոր Ալեն Սիմոնյանը՝ նշելով, որ «րեկ հանդիպում եմ ունեցել ՀՀ ոստիկանապետը Վալերի Օսիպյանի եւ եւ եկել ենք համաձայնության, որ լուսային նռնակներն այլեւս ոստիկանության կողմից խաղաղ ցուցարարների նկատմամբ չեն կիրառվի: Դուք գիտեք, որ մարտի 1-ին Համլետ Թադեւոսյանը մահացել է հենց այդ նռնակներից հասցված վնասից:
Բազմաթիվ անգամների ձայնային նռնակներն օգտագործվել են խաղաղ ցուցարարների նկատմամբ, որոնց պատճառով շատ մարդիկ նույնիսկ հաշմանդամություն ունեն: Վերջերս էլ Բաղրամյան պողոտայում ոստիկանությունն օգտագործեց նռնակներ, ինչի հետեւանքով վիրավորվեցի ես, էլի մի քանիսը: Ոստիկանությունն այլեւս խաղաղ ցուցարարների նկատմամբ այդ ձայնային նռնակները չի օգտագործի: Դրանք կօգտագործվեն միայն քրեական տարրերի վնասազերծման համար»,- ասաց Սիմոնյանը: