Փաշինյանին Բրյուսելում ջերմ կընդունեն. Ռուսաստանը խանդո՞ւմ է

Հուլիսի 11-12-ը Բրյուսելում կայանալու է ՆԱՏՕ-ի գագաթնաժողովը, որի շրջանակներում անցնելու է Աֆղանստանում «Վճռական աջակցություն» առաքելության մասնակից երկրների ղեկավարների հանդիպումը: Առաքելության մասնակից է նաեւ Հայաստանի Հանրապետությունը, սակայն մինչեւ հուլիսի 9-ը հայտնի չէր, արդյո՞ք հանդիպմանը մասնակցելու է նույն ժամանակահատվածում Բրյուսել մեկնող ՀՀ վարչապետ Նիկոլ Փաշինյանը: Ըստ ԱԳՆ մամուլի խոսնակ Տիգրան Բալայանի, Փաշինյանը Բրյուսել է մեկնում ԵՄ կառույցների ներկայացուցիչների եւ հայ համայնքի հետ հանդիպելու նպատակով:

Հուլիսի 6-ին, Արենիում լրագրողների հետ զրույցի ընթացքում Փաշինյանը հայտնել էր, որ կմասնակցի ՆԱՏՕ-ի գագաթնաժողովին, եթե գագաթնաժողովի համատեղ հայտարարության տեքստում տեղ գտած ձեւակերպումներն ընդունելի լինեն հայկական կողմի համար:

Այս առումով հետաքրքիր է նաեւ ԱԺ արտաքին հարաբերությունների հանձնաժողովի նախագահ Արմեն Աշոտյանի ֆեյսբուքյան գրառումը, որում նա նույն շեշտադրումն է կատարում:

«Եթե ՆԱՏՕ-ի վերջնական փաստաթղթում տեղ գտնեն շատ կտրուկ ձեւակերպումներ մեզ հետաքրքրող հարցերի վերաբերյալ, ապա կառաջարկեմ չմասնակցել գագաթնաժողովին», - մասնավորապես գրել էր Աշոտյանը:

Ի դեպ, սա առաջին դեպքը չէ, երբ ներկա եւ նախորդ իշխանության ներկայացուցիչները համակարծիք են Հայաստանի արտաքին քաղաքականության վերաբերյալ: Իշխանության եւ ընդդիմության այս ոլորտում ցուցաբերվող եւ Հայաստանի շահերից բխող միասնականությունը գովելի փաստ է:

Վերադառնալով ՆԱՏՕ-ի գագաթնաժողովի թեմային, հարկ է նշել, որ հուլիսի 9-ին հայտնի դարձավ, որ ՀՀ վարչապետի գլխավորած պատվիրակությունը կմասնակցի դրան: Դա նշանակում է, որ առաջիկա գագաթնաժողովի ավարտին ընդունվող հայտարարության մեջ տեղ գտած ձեւակերպումներն ընդունելի են հայկական կողմի համար: Այդպես է եղել ոչ միշտ: 2010 եւ 2012 թվականներին Հայաստանը հրաժարվել է մասնակցել գագաթնաժողովներին՝ պատճառաբանելով, որ համատեղ հայտարարությունների նախնական ուղարկվող նախագծերում առկա են Հայաստանի շահերին հակասող ձեւակերպումներ: Մասնավորապես 2010 թ. գագաթնաժողովի հայտարարության վերջնական տարբերակում, գագաթնաժողովի անդամ երկրները՝ Հարավային Կովկասում եւ Մոլդովայում առկա հակամարտությունների համատեքստում, իրենց աջակցությունն էին հայտնում Հայաստանի, Ադրբեջանի, Վրաստանի եւ Մոլդովայի անկախությանը, ինքնիշխանությանը եւ տարածքային ամբողջականությանը:

2012 թ. հայտարարության վերջնական տեքստում այդ կետն արդեն շտկված էր: Գագաթնաժողովի մասնակիցները նշված հակամարտությունների խաղաղ կարգավորման գործընթացում սատար էին կանգնում նաեւ միջազգային իրավունքի նորմերին, ՄԱԿ-ի կանոնադրությանն ու Հելսինկյան եզրափակիչ ակտին: Բարդ է ասել՝ արդյո՞ք դա հայկական բոյկոտի արդյունք էր, թե համակողմանիության եւ անաչառության փորձ, սակայն փաստ է, որ 2012 թ. սկսած հայտարարության հակամարտություններին վերաբերվող մասը կրկնվում է նույնությամբ:

Բրյուսելյան այցի գլխավոր ինտրիգը, սակայն, կապված է Ռուսաստանի արձագանքի հետ: Մտավախություններ կան, որ հայկական պատվիրակության առաջիկա այցը Բրյուսել կարող է էլ ավելի ակտիվացնել ռուսաստանցի որոշ փորձագետների առանց այդ էլ ագրեսիվ գործողությունները հայ-ռուսական հարաբերությունների ուղղությամբ: Դեռեւս այս տարվա ապրիլից, երբ հայ հասարակությունը նոր էր ոտքի կանգնում, Ռուսաստանի փորձագիտական շրջանակներում սկսեցին նկատվել «հայկական մայդանի» մասին վերլուծություններ, որոնք, սակայն ազդեցություն չունեցան Կրեմլի պահվածքի վրա: Վերջին երկու ամսվա ընթացքում կառավարության կողմից ավելի քան ինտենսիվ աշխատանք էր տարվում Ռուսաստանի ուղղությամբ: Ուստի, ժամանակն է քայլ կատարել նաեւ դեպի Արեւմուտք՝ փաստելու, որ արտաքին քաղաքականության փոփոխությունները լայն մասշտաբների չեն հասնում:

Այդուհանդերձ, Ռուսաստանը կարող է եւ պարզապես խանդել: Արեւմուտքի հատուկ վերաբերմունքը հետհեղափոխական Հայաստանի նկատմամբ պարարտ հող է ստեղծում դրա համար: Հատուկ վերաբերմունքի մասին է խոսում դեսպան Պյոտր Սվիտալսկու հայտարարությունն այն մասին, որ ԵՄ ղեկավարները Բրյուսելում շատ ջերմ են ընդունելու Փաշինյանին, ինչպես նաեւ ԵՄ արտաքին գործերի գերագույն հանձնակատար Ֆեդերիկա Մոգերինիի՝ առաջիկա 4 տարում Հայաստանում 160 միլիոն եվրոյի ներդրում կատարելու հայտարարությունը եւ ՆԱՏՕ-ի գլխավոր քարտուղարի քաղաքական հարցերով փոխտեղակալ Ջեյմս Ապաթուրայի հայտնած՝ Հայաստանի հետ հարաբերություններն էլ ավելի խորացնելու ցանկությունը եւ Փաշինյանի կառավարությանն աջակցելու պատրաստակամությունը:

Ինչեւէ, խանդը քաղաքական կատեգորիա չէ, եւ որքան էլ խոսվի նրա մասին, որ Ռուսաստանի քաղաքականության մեջ մեծ է զգացմունքայնության չափաբաժինը՝ միջազգային հարաբերությունների վրա ազդող գլխավոր գործոնը մնում է ռեալպոլիտիկը: Եւ հենց ռեալպոլիտիկի տեսանկյունից Հայաստանի մասնակցությունը ՆԱՏՕ-ի գագաթնաժողովին միանգամայն տրամաբանական է: Նախ եւ առաջ, ամենապրագմատիկ փաստարկը 121 հայ զինվորականներն են, որոնք Աֆղանստանում խաղաղապահ առաքելություն են իրականացնում:

Բացի այդ, Հայաստան-Արեւմուտք մերձեցումը հզոր փաստարկ է Ադրբեջանի դեմ, որը վերջին շրջանում յուրահատուկ համառությամբ փորձում է ամեն կերպ սեպ խրել հայ-ռուսական հարաբերությունների մեջ:

Իսկ, ընդհանուր առմամբ, Հայաստան-ՆԱՏՕ փոխգործակցությունը ցույց է տալիս, որ Հայաստանի անվտանգությունը տեսականորեն այլընտրանք ունի: Իհարկե, նման միտում չկա, եւ Հայաստանի արտաքին քաղաքական վեկտորի փոփոխությունը, եթե անգամ այն տեղի ունենա, հետեւանք է լինելու ռազմական եւ քաղաքական լուրջ ցնցումների՝ հնարավոր է տարածքային կորուստներով: Սակայն, վատթարագույն սցենարով, եթե Հայաստանը կորցնելու է Արցախը, ապա Ռուսաստանը կորցնելու է ողջ Հայաստանը: Ոչ վաղ անցյալում՝ հեղափոխության կուլմինացիոն պահին, Կրեմլն արդեն իսկ առնչվել է նման իրավիճակի հետ եւ ճիշտ որոշում կայացրել՝ չխառնվելով Հայաստանի ներքին գործերին: Դա, թերեւս, այն նոր իրողությունն է, որի հետ Ռուսաստանը պետք է հաշվի նստի թե՛ իր, թե՛ Հայաստանի շահերից ելնելով:

Տպել
7603 դիտում

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

102-րդ ռազմաբազայի ներկայությունը Հայաստանի ինքնիշխանության միակ իրական երաշխիքն է․ ՌԴ ԱԳՆ

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ