Կադիմյանն ընդգրկվել է Բելառուսի առաջնության տուրի խորհրդանշական թիմի կազմում
14:41, 25 Նոյեմբեր 2020
ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Գեղամ Կադիմյանն ընդգրկվել է Բելառուսի առաջնության հերթական տուրի խորհրդանշական թիմի կազմում:
«Արմենպրես»-ի հաղորդմամբ` Բելառուսի ֆուտբոլի առաջնության 29-րդ տուրում «Նեմանը» սեփական հարկի տակ հյուրընկալել էր «Սլուցկին»: Հանդիպման միակ և հաղթական գոլի հեղինակը Հայաստանի ազգային թիմից Գեղամ Կադիմյանն է: Սա Կադիմյանի 12-րդ գնդակն է ընթացիկ առաջնությունում:
Վերջինս գոլը նշելիս մոտեցել է Հայաստանի դրոշներով լի տրիբունային և ծածանել հայոց եռագույնը:
Այս հաղթանակից հետո «Նեմանը» մրցաշարային աղյուսակում 3-րդն է:
Բաժանորդագրվեք մեր ալիքին Telegram-ում