«Հոֆենհայմ»-ը հաղթեց. Ադամյանը դուրս եկավ փոխարինման
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Գերմանիայի ֆուտբոլի առաջնության 18-րդ տուրում «Հոֆենհայմ»-ը սեփական հարկի տակ ընդունել էր «Քյոլն»-ին:
«Արմենպրես»-ի հաղորդմամբ` «Հոֆենհայմ»-ը խաղի մեկնարկին` 7-րդ րոպեին բացեց հաշիվը: 11 մետրանոց հարվածն անվրեպ իրացրեց Կրամարիչը: Առաջին կեսում «Հոֆենհայմ»-ի ֆուտբոլիստները կարողացան նաև կրկնապատկել առավելությունը`Բաումգարթները դարձավ գոլի հեղինակ: Եվ հանդիպման վերջնամասում նորից 11 մետրանոց հարվածով աչքի ընկավ նույն Կրամարիչը` դառնալով դուբլի հեղինակ: «Հոֆենհայմ»- «Քյոլն»` 3:0:
Հայաստանի ֆուտբոլի ազգային թիմից Սարգիս Ադամյանը «Հոֆենհայմ»-ի մեկնարկային կազմում չէր, սակայն փոխարինման դուրս եկավ 75-րդ րոպեին:
Այս հաղթանակից հետո «Հոֆենհայմ»-ը մրցաշարային աղյուսակում 11-րդն է 22 միավորով: Առաջատարը 42 միավորով «Բավարիա»-ն է:
Բաժանորդագրվեք մեր ալիքին Telegram-ում