Հայ-վրացական հարաբերություններում չկան խնդիրներ, կան հարցեր. ՀՀ-ին պետք է թույլ տալ ռազմական տեխնիկա ներկրել

Նախօրեին վարչապետ Նիկոլ Փաշինյանը պաշտոնական այցով ժամանել է Վրաստան, որտեղ հանդիպել է Վրաստանի վարչապետ Գիորգի Գախարիայի, նախագահ Սալոմե Զուրաբիշվիլիի և խորհրդարանի նախագահ Արչիլ Թալակվաձեի հետ: Հանդիպման արդյունքների մասին կզրուցենք ռազմական փորձագետ Լեոնիդ Ներսիսյան և վրացագետ Ջոնի Մելիքյանի հետ: ՀՀ վարչապետ Նիկոլ Փաշինյանը վրացի իր գործընկերոջ` Գեորգի Գախարիայի հետ հանդիպման ժամանակ Թբիլիսիում ասել է, որ Հայաստանը Վրաստանի հետ համագործակցությունը տեսնում է ռազմավարական գործընկերության մեջ։ Երկու երկրների փորձագետներն արդեն հասցրել են գնահատել ՀՀ վարչապետի երկկողմ հարաբերությունները ռազմավարական մակարդակի հասցնելու առաջարկը։ Նշվում է, որ չնայած երկու հարևան երկրների ղեկավարների հանդիպումները բավականին հաճախակի բնույթ են կրում՝ այնուամենայինվ, առարկայական արդյունքներ դեռ չկան այդ հանդիպումներից: