«Բավարիա»-ին Գերմանիայի գավաթից դուրս թողեց երկրորդ Բունդեսլիգայի թիմը
09:37, 14 Հունվար 2021
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: Մյունխենի «Բավարիա»-ն դուրս մնաց Գերմանիայի գավաթի խաղարկությունից` զիջելով երկրորդ Բունդեսլիգան ներկայացնող թիմի:
«Արմենպրես»-ի հաղորդմամբ` երկրի բազմակի չեմպիոնը գավաթի խաղարկության 1/16 եզրափակիչում մրցեց երկրորդ Բունդեսլիգայի «Հոլշտայն Կիլ»-ի հետ: Մյունխենյան թիմից աչքի ընկան Գնաբրին և Բարտելսը, իսկ «Կիլ»-ից` Սանեն և Վալը: Հանդիպման հիմնական ժամանակն ավարտվեց ոչ-ոքի: Լրացուցիչ ժամանակում ևս դարպասի գրավում չարձանագրվեց և որոշիչ եղան հետխաղյա 11 մետրանոց հարվածները, որտեղ առավել դիպուկ էին «Կիլ»-ի ֆուտբոլիստները: «Բավարիա»-ն լքեց հետագա պայքարը:
Բաժանորդագրվեք մեր ալիքին Telegram-ում