«Անկախ դիտորդը» սեպտեմբերի 25-ի ՏԻՄ ընտրություններին դիտորդական առաքելություն է իրականացնելու բոլոր 18 համայնքներում

«Անկախ դիտորդ» հասարակական դաշինքը 2022թ․ սեպտեմբերի 25-ի ՏԻՄ ընտրություններին դիտորդական առաքելություն է իրականացնելու բոլոր 18 համայնքների տարածքում:

Առաքելությունը 49 շրջիկ խմբերով դիտարկելու է.

• տեղամասային ընտրական հանձնաժողովների առավոտվա նիստի իրականացումը,

• տեղամասային կենտրոնների մատչելիությունը և կահավորումը,

• քվեարկության ընթացքը, 

• բնակավայրերում ընդհանուր իրավիճակը և մասնակից կուսակցությունների / դաշինքների վարքագիծը,

• տեղամասային ընտրական հանձնաժողովների քվեարկության արդյունքների ամփոփման նիստը։

Ընտրությունները սպասարկող 14 Ընտրատարածքային ընտրական հանձնաժողովներում դիտարկվելու է.

• տեղամասերից ժամանող արդյունքների ընդունումը, արձանագրությունների և գրանցամատյանների ուսումնասիրությունը,

• արդյունքների աղյուսակավորումը,

• ԸԸՀ-ում այլ ընթացակարգերի պահպանումը և ընդհանուր իրավիճակը։

Դաշինքը հանդես է գալու ընտրությունների ընթացքի վերաբերյալ մամուլի հաղորդագրություններով սեպտեմբերի 25-ին՝ ժամը 15:00-ին և 19:00-ին, ինչպես նաև սեպտեմբերի 26-ին՝ ՏԻՄ ընտրությունների նախնական գնահատականը ներկայացնելով:

Երկարաժամկետ դիտարկման միջանկյալ զեկույցը հասանելի է ԱՅՍՏԵՂ

Ընթացիկ տեղեկատվության համար կարող եք հետևել մեզ.

Telegram: https://t.me/AnkakhDitord

Facebook: Անկախ դիտորդ - Independent Observer

Կապ հաստատելու համար.

Դիտորդական առաքելության խոսնակ Դանիել Իոաննիսյան - 093 742244, [email protected] 

Դիտորդական առաքելության ղեկավար Արթուր Սաքունց -  091 200 971, [email protected]

E-mail: [email protected]

«Անկախ դիտորդ» հասարակական դաշինքը երկարաժամկետ և կարճաժամկետ դիտորդական առաքելություն է իրականացնում հետևյալ անդամ և գործընկեր կառույցների հետ․

∼  Հելսինկյան քաղաքացիական ասամբլեայի Վանաձորի գրասենյակ

∼   Իրազեկ քաղաքացիների միավորում

∼   Ուղղակի ժողովրդավարություն

∼   Գյումրու առաջընթաց

∼ «Ռեստարտ Գյումրի» /Գյումրու «Ռեստարտ նախաձեռնությունների կենտրոն» ՔՀԶ ՀԿ

∼   Կանանց իրավունքների տուն

∼   Մարդու իրավունքների եզդիական կենտրոն

Դիտորդական առաքելությունն իրականացվում է Պրահայի քաղաքացիական հասարակության կենտրոնի և Ժողովրդավարության եվրոպական հիմնադրամի ֆինանսավորմամբ «Անկախ դիտորդ - տեղական ընտրություններ 2022» ծրագրի շրջանակներում:

Այս հրապարակման բովանդակության համար պատասխանատվություն է կրում «Անկախ դիտորդ» հասարակական դաշինքը, և պարտադիր չէ, որ այն արտահայտի ֆինանսավորող կազմակերպության տեսակետները։