Պատահար Երևան-Երասխ ճանապարհին. 39-ամյա վարորդը տեղում մահացել է
20:30, 23 Հոկտեմբեր 2017
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: «Օպել Աստրա» մակնիշի ավտոմեքենան հոկտեմբերի 21-ին՝ ժամը 6.05-ի սահմաններում, Երևան-Երասխ ճանապարհի 24-րդ կմ-ին դուրս է եկել երթևեկելի գոտուց, բախվել բետոնե արգելապատնեշին և ընկել ճամփեզրի փոսը. վարորդը՝ 1978 թ. ծնված Կարեն Հակոբյանը, տեղում մահացել է:
Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի և տեղեկատվության վարչությունից, նույն օրը մարմնական վնասվածքներով բուժօգնության է դիմել 36-ամյա քաղաքացուհի և հիվանդանոցում հայտնել, որ վնասվածքը ստացել է նույն վթարի հետևանքով:
Կատարվում է քննություն:
Բաժանորդագրվեք մեր ալիքին Telegram-ում