Խուան Մարտին դել Պոտրոն հաղթեց ԱՄՆ բաց առաջնության երկրորդ փուլում
11:31, 30 Օգոստոս 2018
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Օլիմպիական խաղերի փոխչեմպիոն արգենտինացի թենիսիստ Խուան Մարտին դել Պոտրոն ԱՄՆ բաց առաջնության երրորդ փուլում է:
«Արմենպրես»-ի հաղորդմամբ` տղամարդկանց մենախաղի երկրորդ շրջանում օլիմպիական փոխչեմպիոնի հակառակորդը ԱՄՆ ներկայացուցիչ Դենիս Կուդլան էր: Արգենտինացին առավելության հասավ 6:3, 6:1, 7:6 (7:4) հաշվով և կշարունակի պայքարը:
ԱՄՆ բաց առաջնությունն անցկացվում է 1881 թվականից: Այն համարվում է «Մեծ սաղավարտի» չորս մրցաշարերից մեկը (մյուս երեքը՝ Ուիմբլդոն, Ավստրալիայի բաց առաջնություն, Ռոլան Գարոս): Տղամարդկանց մենախաղի գործող չեմպիոնը Ռաֆայել Նադալն է, իսկ կանանցը` Սլոան Սթիվենսը: Մրցաշարը կեզրափակվի սեպտեմբերի 8-ին:
Բաժանորդագրվեք մեր ալիքին Telegram-ում