«Մամուլի հետ սուրճ» հաղորդման հունիսի 13-ի հյուրը «Լուսավոր Հայաստան» խմբակցության պատգամավոր Կարեն Սիմոնյանն է։
Մեր զրուցակիցն անդրադարձավ իշխանություն-ընդդիմություն փոխհարաբերություններին.«Այն ծրագրերը, որոնց շուրջ մենք նույն կերպ ենք մտածում՝ շատ նորմալ աշխատում ենք։ Իսկ այն ծրագրերը, որտեղ տեսակետները տարբեր են՝ մենք բանավիճում ենք, փորձում ենք ներկայացնել մեր տեսակետը։Բայց մենք մեզնից կախված ամեն ինչ անում ենք՝ եթե պետք է ծրագիր կամ առաջարկ ենք ներկայացնում, որպեսզի կարողանանք հիմնավորել մեր ցանկացած խոսք կամ գործողություն»։
Պատգամավորն ընդգծեց՝ իրենք մաքսիմալ կառուցողական են, դեմ են այն նախագծերին, որոնք խնդրահարույց են։ Կարեն Սիմոնյանը այդպիսի մի նախագիծ է համարում «Իմ քայլը» խմբակցության պատգամավոր Արմեն Խաչատրյանի առաջարկած նախագիծը, որով քրեականացվելու է իշխանության ներկայացուցչին վիրավորելն ու նրա աշխատանքը խոչընդոտելը.«Մարդուն վիրավորելը կամ բռնության կոչ հնչեցնելը՝ մենք համարում ենք ոչ տեղին և նման երևույթներ մեր իրականության մեջ չպետք է տեղ գտնեն։Բայց օրենքով նման ամրագրում անելն անիմաստ է»։
Հարցազրույցն ամբողջությամբ՝ տեսանյութում
